କୋଲକତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପୁତୁରାବୋହୁ ୨ କେଜି ସୁନା ସହିତ ବିମାନ ବନ୍ଦରରେ ଓହ୍ଲେଇବାକୁ ନେଇ ମମତାଙ୍କ ପୁତୁରା ଏବଂ ତାଙ୍କ ପୁତୁରା ବୋହୁଙ୍କ ନାମରେ ମାମଲା ରୁଜୁ କରାଯାଇଛି। ମମତାଙ୍କ ପୁତୁରା ଅଭିଷେକ ବାନାର୍ଜୀଙ୍କ ପତ୍ନୀ ରଜିରା ନରୁଲା ଥାଇ ପାଶପୋର୍ଟ ସହିତ ଓହ୍ଲାଇଥିଲେ କିନ୍ତୁ ବିମାନବନ୍ଦରର ସୀମାଶୁଳ୍କ ବିଭାଗ ପକ୍ଷରୁ ତାଙ୍କ ଲଗେଜ୍ ଯାଞ୍ଚ କରାଯିବାକୁ କୁହାଯିବାରୁ ସେ ମନା କରିଥିଲେ।
ଏହା ପରେ ସେ ଫୋନ୍ କରି କୋଲକତା ପୁଲିସ୍କୁ ଡାକିଥିଲେ। ତାଙ୍କୁ ଛାଡ଼ିଦେବା ପାଇଁ ପୁଲିସ୍ ସୀମା ଶୁଳ୍କ ବିଭାଗ ଉପରେ ଜୋର ଦେବାରୁ ଉଭୟଙ୍କ ମଧ୍ୟରେ ଯୁକ୍ତି ତର୍କ ହୋଇଥିଲା। ସେମାନେ ବିନା ଯାଞ୍ଚରେ ସହଜରେ ଛାଡ଼ିବାକୁ ରାଜି ହୋଇନଥିଲେ। ଏହାପରେ କୋଲକତା ପୁଲିସ୍ ଧମକାଇ ମହିଳା ଜଣଙ୍କୁ ବିମାନବନ୍ଦର ବାହାରକୁ ନେଇଯାଇଥିଲା।
ଏହାପରେ ସୀମା ଶୁଳ୍କ ବିଭାଗ ପକ୍ଷରୁ ସୀମାଶୁଳ୍କ ଆଇନ ୧୯୬୨ର ୧୩୩ ଧାରା ଏବଂ ଭାରତୀୟ ପିଙ୍ଗଳ କୋଡ୍ର ୧୮୬ ଓ ୫୦୩ ଦଫା ଲଗାଇ ମାମଲା ରୁଜୁ କରିଛି। ଏହାପରେ ଅଭିଷେକ ସାମ୍ବାଦିକ ସମ୍ମଳିନୀ କରି ସିସିଟିଭି ଫୁଟେଜ୍ ଦେଖାଇବାକୁ ଦାବି କରିବା ସହିତ ଅଭିଯୋଗ ପ୍ରମାଣିତ ହେଲେ ରାଜନୀତି ଛାଡ଼ିଦେବେ ବୋଲି ଧମକାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
