ଦାନ୍ତେୱାଡା: ଛତିଶଗଡ଼ ଦାନ୍ତେୱାଡ଼ା ନିକଟ ମାଲେୱାଡା ଜଙ୍ଗଲରେ ଗତକାଲି ଲ୍ୟାଣ୍ଡମାଇନ୍ ବିସ୍ଫୋରଣରେ ୭ ଜଣ ସିଆର୍ପିଏଫ୍ ଯବାନ୍ ସହିଦ୍ ହୋଇଯାଇଛନ୍ତି। ଏହି ଘଟଣାକୁ ନେଇ ରାଜ୍ୟ ଗୃହମନ୍ତ୍ରୀ ଅଜୟ ଚନ୍ଦ୍ରାକର କହିଛନ୍ତି, “ଯବାନମାନେ ନିୟମକୁ ଅଣଦେଖା କରିବାରୁ ଏପରି ଦୁର୍ଘଟଣା ଘଟିଲା”
ଗୃହମନ୍ତ୍ରୀଙ୍କ ମନ୍ତବ୍ୟ ପରେ ସିଆର୍ପିଏଫ୍ ପକ୍ଷରୁ ଏହାର ସ୍ପଷ୍ଟିକରଣ ଦିଆଯାଇଛି। ସିଆରପିଏଫ୍ ପକ୍ଷରୁ କୁହାଯାଇଛି, ଘଟଣାର ଯାଞ୍ଚ କରିବା ପାଇଁ ଏକ କମିଟି ଗଠନ କରାଯାଇଛି । ଯାଞ୍ଚ ରିପୋର୍ଟ ଆସିବା ପରେ ପ୍ରକୃତ ସତ୍ୟ ପଦାକୁ ଆସିବ। ତା’ ପୂର୍ବରୁ ଏସ୍ଓପି ପାଳନ କରାଯାଇ ନ ଥିବା କୁହାଯିବ ଉଚିତ୍ ନୁହେଁ।
ଗତକାଲି ସିଆରପିଏଫ୍ ଯବାନମାନେ ଏକ ଛୋଟ ଟ୍ରକ୍ରେ ଦାନ୍ତେୱାଡା କ୍ୟାମ୍ପରୁ ମାଲେୱାଡା କ୍ୟାମ୍ପ୍କୁ ଯାଉଥିବା ବେଳେ ନକ୍ସଲମାନେ ଲ୍ୟାଣ୍ଡ ମାଇନ୍ ବିସ୍ଫୋରଣ କରିଥିଲେ। ଏହି ବିସ୍ଫୋରଣରେ ଜଣେ ସାଧାରଣ ବ୍ୟକ୍ତିଙ୍କର ମଧ୍ୟ ମୃତ୍ୟୁ ଘଟିଥିଲା। ବିସ୍ଫୋରଣ ଏତେ ଭଙ୍କର ଥିଲା ଯେ ରାସ୍ତାରେ ଏକ ବିରାଟ ଗାଢ ସୃଷ୍ଟି ହୋଇଯାଇଥିଲା।