ଆକ୍ସନ ମୁଡରେ ଏନସିବି, ଆଠ ଗିରଫ୍

ନୂଆଦିଲ୍ଲୀ: ଆକ୍ସନ ମୁଡରେ  ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି)। ସୁଶାନ୍ତଙ୍କ ମୃତ୍ୟୁ ମାମଲାରେ ଏହି ତଦନ୍ତକାରୀ ସଂସ୍ଥା ଡ୍ରଗ୍ସ ଲିଙ୍କର ତଦନ୍ତ କରୁଛି। ଏହାରି ଭିତରେ ଏକ ଅନ୍ତର୍ଜାତୀୟ ଡ୍ରଗ୍ସ ରାକେଟ ଉପରେ ଚଢ଼ାଉ କରିଛି। ରେଡ୍ କରି ହିରୋଇନ୍, କୋକେନ୍ ଏବଂ ଚୋରା ଗଞ୍ଜେଇ ଜବତ କରିଛି। ଏହି ରାକେଟରେ ସାମିଲ ଥିବା ମୋଟ୍ ଆଠ ଜଣଙ୍କୁ ଗିରଫ କରିଛି ଏନସିବି।

ଏନସିବି ଆଠ କିଲୋଗ୍ରାମ ହିରୋଇନ, ୪୫୫ ଗ୍ରାମ କୋକେନ ଏବଂ ୧.୧ କିଲୋଗ୍ରାମ ଗଞ୍ଜେଇ ଜବତ କରିଛି। ଗତ କିଛି ମାସ ମଧ୍ୟରେ ୫୨ କିଲୋଗ୍ରାମର ନିଶା କାରବାର କରିଥିବା ଏନସିବି ଜାଣିବାକୁ ପାଇଛି।

ବଲିଉଡର ଦିବଂଗତ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ବଲିଉଡର ଡ୍ରଗ୍ସ ଲିଙ୍କ ସାମ୍ନାକୁ ଆସିଛି। ଏବେ ଦୀପିକା ପାଦୁକୋନ, ଶ୍ରଦ୍ଧା କପୁର, ସାରା ଅଲ୍ଲୀ ଖାନ୍, ରକୁଲ ପ୍ରୀତ ସିଂହଙ୍କ ନାମ ସାମ୍ନାକୁ ଆସିଛି। ଏହି ମାମଲାରେ ଏପର୍ଯ୍ୟନ୍ତ ୨୧୨ରୁ ଅଧିକ ଲୋକଙ୍କୁ ଗିରଫ କରି ସାରିଛି।

ସୂଚନାଯୋଗ୍ୟ, ନିକଟରେ ଏନସିବି ମହାନିର୍ଦ୍ଦେଶକ ରାକେଶ ଆସ୍ଥାନା ଆଉଟଲୁକ୍ ପତ୍ରିକାକୁ ସାକ୍ଷାତକାର ଦେଇଥିଲେ। ସେ କହିଥିଲେ, ରିଆଙ୍କ ସହ ଅନ୍ତର୍ଜାତୀୟ ଏଜେନ୍ସିର ଗଭୀର ଲିଙ୍କ୍ ରହିଛି।  ଡ୍ରଗ୍ସ ରାକେଟର ଚେର ପର୍ଯ୍ୟନ୍ତ ପହଞ୍ଚିବାକୁ ଏନସିବି ଚେଷ୍ଟା କରୁଛି। ଦେଶରେ ଡ୍ରଗ୍ସ ଚୋରା ଚାଲାଣ ତଥା ବ୍ୟବହାର ବଢ଼ାଇବାକୁ ଚେଷ୍ଟା କରାଯାଉଛି ବୋଲି ସେ କହିଥିଲେ।

ରାକେଶ ଆସ୍ଥାନା ଆହୁରି କହିଥିଲେ ଯେ ରିଆ ଚକ୍ରବର୍ତ୍ତୀଙ୍କ ଡ୍ରଗ୍ସ ସିଣ୍ଡିକେଟ୍ ଛୋଟ ନୁହେଁ। ତଦନ୍ତ ବେଳେ ଦୁବାଇ ଏବଂ ଆତଙ୍କବାଦୀ ଲିଙ୍କ ଥିବାର ସନ୍ଦେହ ପ୍ରକାଶ ପାଇଛି। ବିଭିନ୍ନ ପାର୍ଟିକୁ ଡ୍ରଗ୍ସ ଅଣାଯାଇଥିଲା ଆଉ ସେହି ପଇସାରେ ଡ୍ରଗ୍ସ କାରବାରକୁ ବଢ଼ାଇବାକୁ ଚେଷ୍ଟା କରାଯାଉଛି।

ତେବେ ଆଜି ଗିରଫ ହୋଇଥିବା ଏହି ଅନ୍ତର୍ଜାତୀୟ ଡ୍ରଗ୍ସ ରାକେଟର ବଲିଉଡ ଲିଙ୍କ ଅଛି କି ନାହିଁ ଜଣାପଡ଼ିନି। ହେଲେ ଆସ୍ଥାନାଙ୍କ ସାକ୍ଷାତକାରରୁ ସ୍ପଷ୍ଟ ଯେ ଦେଶରେ ଡ୍ରଗ୍ସ କାରବାରରେ ତାଲା ପକାଇବା ପାଇଁ ଏନସି୍ବି ପଣ କରିଛି।

ଆହୁରି ପଢ଼ନ୍ତୁ

ସୁଶାନ୍ତଙ୍କ ପାଇଁ ହ୍ରିତିକ୍ ରୋଶନଙ୍କ ମା’ କହିଲେ ଏମିତି…

ଦେଶର ତୃତୀୟ ପ୍ରଦୂଷିତ ସହର ଲକ୍ଷ୍ନୌ

ଜମ୍ମୁ କଶ୍ମୀରରେ ବଦଳିଲା ପଞ୍ଚାୟତ ରାଜ୍ ଆଇନ୍, କେନ୍ଦ୍ର କହିଲା ଏବେ ଲୋକଙ୍କ ହାତରେ କ୍ଷମତା

ପାଲଘରରେ ସାଧୁଙ୍କୁ ହତ୍ୟା ମାମଲା, ଆଉ ୨୪ ଅଭିଯୁକ୍ତଙ୍କୁ ଗିରଫ କଲା ସିଆଇଡି

ପୂଜା ବଜାରରେ ଗାଡ଼ି କିଣିବାକୁ ଅଫର ମାଳମାଳ, କ’ଣ ଭାବୁଛନ୍ତି?

ଟିଆରପି ସ୍କାମ୍ ମାମଲା, ସିବିଆଇ ତଦନ୍ତରେ କେଁ ପୂରାଇଲା ମହାରାଷ୍ଟ୍ର ସରକାର

ଲୋଭନୀୟ ଅଫର୍! ବିସ୍କୁଟର ଟେଷ୍ଟ କହି ବର୍ଷକୁ ୪୦ ଲକ୍ଷ ଟଙ୍କା ନିଅନ୍ତୁ

ରାଗ ସମ୍ଭାଳି ପାରିଲେନି ନୀତୀଶ, ସଭାରେ ଲୋକଙ୍କୁ ନନସେନ୍ସ କହିଲେ

ଦୁର୍ଗା ମଣ୍ଡପରେ ଲକଡାଉନ ଯନ୍ତ୍ରଣାର ଦୃଶ୍ୟ ସହ ସୋନୁ ସୁଦ୍‌ଙ୍କ ପ୍ରତିମୂର୍ତ୍ତି, ଦେଖନ୍ତୁ ଭିଡିଓ

କ୍ୟାନସର୍ ଲଢ଼େଇ ଜିତିଲେ ସଞ୍ଜୟ ଦତ୍ତ

ବିହାର ପାଇଁ କଂଗ୍ରେସର ‘ବଦଲାବ ପତ୍ର’ ଓ ଏଲଜେପିର ‘ବିହାର ଫାଷ୍ଟ, ବିହାରୀ ଫାଷ୍ଟ’

ଅଶ୍ଳୀଳ କଲ୍‌ ପାଇଁ ଜଣେ ବ୍ୟକ୍ତିଙ୍କୁ ପିଟିପିଟି ମାରିଦେଲେ ମା’ ଝିଅ