ସବୁ କଳ୍ପନା ଜଳ୍ପନାର ଅନ୍ତ: ତାମିଲ ମେଗା ଷ୍ଟାର କମଲ ହାସନ ଗଢିବେ ନୂଆ ରାଜନୈତିକ ଦଳ

ନୂଆଦିଲ୍ଲୀ (ଓଡ଼ିଶା ରିପୋର୍ଟର): ରାଜନୀତିରେ ତାମିଲ ମେଗା ଷ୍ଟାର କମଲ ହାସନ। ଗଢିବେ ନୂଆ ରାଜନୈତିକ ଦଳ। ୬୩ତମ ଜନ୍ମଦିନରେ କମଲ ହାସନ ଆଜି ଏହି ବଡ଼ ଘୋଷଣା କରିଛନ୍ତି। ତେବେ ଦଳର ନାଁ କଣ ରଖିବେ ସେନେଇ ଘୋଷଣା କରିନାହାନ୍ତି। ସେ ଏବେ ଏକ ନୂଆ ଆପ୍ସ ଗଠନ କରିଛନ୍ତି, ଏହି ଆପ୍ସ ମାଧ୍ୟମରେ ସେ ସାଧାରଣ ଲୋକଙ୍କର ମତାମତ ଗ୍ରହଣ କରିବେ। ଲୋକଙ୍କ ସହ ଯୋଡି ହେବା ତାଙ୍କର ମୁଖ୍ୟ ଲକ୍ଷ୍ୟ ବୋଲି କମଲ କହିଛନ୍ତି। ଗତ ସପ୍ତାହରେ ହିନ୍ଦୁ ଆତଙ୍କବାଦ ସମ୍ପର୍କରେ ଏକ ବୟାନ ଦେଇ ବିବାଦକୁ ଆସିଥିଲେ କମଲ ହାସନ। ତେବେ ଏହାକୁ ଆଜି ସେ ଖଣ୍ଡନ କରି କହିଛନ୍ତି, ମୁଁ ହିନ୍ଦୁ ମାନଙ୍କର ଭାବନା ସହ ଖେଳିବାକୁ ଚାହେଁ ନାହିଁ, କାରଣ ମୁଁ ବି ହିନ୍ଦୁ ପରିବାରରୁ ଆସିଛି। ତାଙ୍କର ଅର୍ଥକୁ କଦର୍ଥ କରାଯାଇଥିବା କମଲ ହାସନ କହିଛନ୍ତି।