ଷ୍ଟକ୍ହୋମ୍: ଗତକାଲି ମେଡିସିନ୍ ପାଇଁ ନୋବେଲ୍ ପୁରସ୍କାର ଘୋଷଣା କରାଯାଇଥିବା ବେଳେ ଆଜି ପଦାର୍ଥ ବିଜ୍ଞାନ ପାଇଁ ଘୋଷଣା କରାଯାଇଛି। ଆମେରିକାର ତିନି ଜଣ ବୈଜ୍ଞାନିକ ମିଳିତ ଭାବେ ଚଳିତ ବର୍ଷ ଏହି ସମ୍ମାନଜନକ ପୁରସ୍କାର ପାଇବାକୁ ମନୋନୀତ ହୋଇଛନ୍ତି। ସେମାନେ ହେଲେ ଡାଭିଡ୍ ଥାଉଲେସ୍, ଡୁନ୍କାନ ହାଲଡେନ୍ ଓ ମାଇକେଲ୍ କୋଷ୍ଟେରଲିଜ୍।
୮୨ ବର୍ଷୀୟ ଥାଉଲେସ୍ ୱାଶିଂଟନ ବିଶ୍ୱବିଦ୍ୟାଳୟରେ ପ୍ରଫେସର ଥିଲେ। ଅବସର ପରେ ବି ସେ ପଦ ବଜାୟ ରଖିଛନ୍ତି। ୬୫ ବର୍ଷୀୟ ହାଲଡେନ୍ ନ୍ୟୁ ଜର୍ସିର ପ୍ରିନ୍ସଟନ୍ ବିଶ୍ୱବିଦ୍ୟାଳୟରେ ପଦାର୍ଥ ବିଜ୍ଞାନର ପ୍ରଫେସର ଅଛନ୍ତି। ୭୩ ବର୍ଷୀୟ କୋଷ୍ଟେରଲିଜ୍ ବ୍ରାଉନ୍ ବିଶ୍ୱବିଦ୍ୟାଳୟରେ ପଦାର୍ଥ ବିଜ୍ଞାନ ପ୍ରଫେସର ଅଛନ୍ତି।
ୟୋସିନୋରି ଓସୁମିଙ୍କୁ ଗତକାଲି ମେଡିସିନ୍ ପାଇଁ ଚଳିତ ବର୍ଷ ନୋବେଲ୍ ପୁରସ୍କାର ଦିଆଯିବାକୁ ମନୋନୀତ କରାଯାଇଥିଲା। ଆସନ୍ତାକାଲି ରସାୟନ ବିଜ୍ଞାନ ପାଇଁ ନୋବେଲ୍ ପୁରସ୍କାର ଘୋଷଣା କରାଯିବ।