ପାକିସ୍ତାନରେ ବନ୍ୟା:୧୫୧ ମୃତ,୮ ଲକ୍ଷ ଲୋକ ପ୍ରଭାବିତ

ଇସଲାମାବାଦ: ପାକିସ୍ତାନରେ ବନ୍ୟା ଯୋଗୁଁ ଏବେ ସୁଦ୍ଧା ୧୫୧ ଜଣଙ୍କର ମୃତ୍ୟୁ ହୋଇଥିବାବେଳେ ୮ ଲକ୍ଷ ଲୋକ ପ୍ରଭାବିତ ହୋଇଛନ୍ତି। ଏକ ମାସ ଧରି ପାକିସ୍ତାନରେ ମୌସୁମୀ ଜନିତ ପ୍ରବଳ ବର୍ଷାଲାଗି ରହିଥିବାରୁ ବିଭିନ୍ନ ନଦୀରେ ବନ୍ୟା ଆସିଛି। ପାକିସ୍ତାନର ଡିଜାଷ୍ଟର ମ୍ୟାନେଜମେଣ୍ଟ ପ୍ରାଧିକରଣ ପକ୍ଷରୁ ଏ ନେଇ ବ୍ୟପାକ ପ୍ରସ୍ତୁତି କରାଯାଇଛି । ବନ୍ୟାରେ ଖ୍ୱାଇବର ଫଖାତୁନୱା ପ୍ରଦେଶର ୭୭ଜଣ, ପଞ୍ଜାବରେ ୩୨, ପିଏକେରେ ୨୨ଜଣ, ବେଲୁଚିସ୍ଥାନରେ ୧୩ ଜଣ ଓ ଗିଲିଗ୍ ବାଲଷ୍ଟିନରେ ୭ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ମୋଟ ଉପରେ ଏହି ବନ୍ୟା ଯୋଗୁଁ ୧୦୧ ଜଣ ଗୁରୁତର ହୋଇଥିବାବେଳେ ୪୫୧୭ ଜଣଙ୍କ ଘର ଭାଙ୍ଗିଯାଇଥିବା ଜଣାପଡିଛି। ସ୍ଥାନୀୟ ପ୍ରଶାସନ ଓ ଆର୍ମି ୮ ଲକ୍ଷ ଲୋକଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ନେଇଛି। ପାକିସ୍ତାନ ସରକାରଙ୍କ ପକ୍ଷରୁ ୧୫୦ଟି ମେଡିକାଲ କ୍ୟାମ୍ପ ଓ ୪୮୧ ରିଲିଫ୍ କ୍ୟାମ୍ପ କରାଯାଇଛି।