କରୋନିଲ ପାଇଁ ଅନ୍ତିମ ଅନୁମତି ପାଇନଥିଲା ପତଞ୍ଜଳି

ନୂଆଦିଲ୍ଲୀ: କରୋନା ମହାମାରୀ ପାଇଁ ପତଞ୍ଜଳିର ଦିବ୍ୟ ଫାର୍ମାସି ଦ୍ୱାରା ପ୍ରସ୍ତୁତ ‘କରୋନିଲ୍’ ଔଷଧକୁ ନେଇ ବିବାଦ ବଢ଼ି ଚାଲିଛି। ଏହାରି ଭିତରେ ଜଣାପଡ଼ିଛି ପତଞ୍ଜଳି ଅନ୍ତିମ ଅନୁମତି ପାଇବା ପୂର୍ବରୁ କରୋନିଲ୍ ବାବଦରେ ଘୋଷଣା କରିଛି। ମଙ୍ଗଳବାର ଯୋଗ ଗୁରୁ ବାବା ରାମଦେବ କରୋନିଲ ଔଷଧ ବାବଦରେ ପ୍ରେସ କନଫରେନସ କରି ଘୋଷଣା କରିଥିଲେ।

କେନ୍ଦ୍ର ଆୟୁଷ ମନ୍ତ୍ରୀ ଶ୍ରୀପଦ ନାଇକ କହିଛନ୍ତି, “ପତଞ୍ଜଳି ଅନ୍ତିମ ମଞ୍ଜୁରୀ ପାଇବା ପୂର୍ବରୁ କରୋନିଲ ବାବଦରେ ବିଜ୍ଞାପନ କରିଛି। ଏହା କରିବାର ନଥିଲା। ଆମେ ସମସ୍ତ ପ୍ରକ୍ରିୟା ଶେଷ ହେବା ଯାଏ ଅପେକ୍ଷା କରିବାକୁ କହିଥିଲୁ”।

ସେ ଆହୁରି କହିଛନ୍ତି, ବାବା ରାମଦେବ କରୋନା ମହାମାରୀର ଔଷଧ ତିଆରି କରିଛନ୍ତି। ଏହା ଭଲ କଥା। ହେଲେ ନିୟମ ଅନୁସାରେ ତାଙ୍କୁ ଆୟୁଷ ମନ୍ତ୍ରଳାୟକୁ ଆସିବାର ଥିଲା। ମନ୍ତ୍ରାଳୟ ମଧ୍ୟ ଔଷଧ ବାବଦରେ ପ୍ରସ୍ତୁତି ଚଳାଇଛି। ଜୁଲାଇ ସୁଦ୍ଧା କରୋନା ଔଷଧ ତିଆରି ହେବ ବୋଲି ସେ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।