ମଝି ଆକାଶରେ ବିମାନରେ କୁଆପଥର ମାଡ଼: ତା’ପରେ କ’ଣ ହେଲା ଦେଖନ୍ତୁ ଭିଡିଓ

<p>ୟୁକ୍ରେନର ପାଇଲଟ କ୍ୟାପଟେନ୍ ଆଲେକଜାଣ୍ଡର ଆକୋପୋଭଙ୍କୁ ଏବେ ଚାରିଆଡୁ ଶୁଭେଚ୍ଛାର ସୁଅ ଛୁଟୁଛି। ସେ ଏବେ ସମସ୍ତଙ୍କ ପାଇଁ ହିରୋ ପାଲଟି ଯାଇଛନ୍ତି। କାରଣ ତାଙ୍କ ଉପସ୍ଥିତି ବୁଦ୍ଧି ଯୋଗୁଁ ରକ୍ଷା ପାଇଯାଇଛି ୧୨୭ ଜଣଙ୍କ ଜୀବନ।</p> <p>ଗତ ଜୁଲାଇ ମାସ ୨୭ ତାରିଖରେ ଆଟାଲାସ୍&zwnj; ଗ୍ଲୋବାଲ ଜେଟ୍ ୧୨୧ ଜଣ ଯାତ୍ରୀଙ୍କୁ ନେଇ ଆରମ୍ଭ କରିଥିଲା ଯାତ୍ରା। ସେମାନଙ୍କ ସହିତ ଥିଲେ ୬ ଜଣ କ୍ରୁ ମେମ୍ବର। କିନ୍ତୁ ୨୫ ମିନିଟ୍ ପରେ କୁଆପଥର ଝଡ଼ ଆରମ୍ଭ ହୋଇଥିଲା। କୁଆପଥର ମାଡ଼ରେ ବିମାନର ସମ୍ମୁଖ ଭାଗରେ ଅଣ୍ଡା ଆକୃତିର ଗାତ ହୋଇଯାଇଥିଲା। ଏପରିକି ବିମାନର ସମ୍ମୁଖ କାଚ ମଧ୍ୟ ପୂରା ଭାଙ୍ଗି ଯାଇଥିଲା। ଫଳରେ ବାହାରର ଦୃଶ୍ୟ ମଧ୍ୟ ଦେଖିବା ପାଇଲଟଙ୍କ ପାଇଁ ସମ୍ଭବପର ହୋଇ ନଥିଲା। ଆକାଶମାର୍ଗରୁ ମୃତ୍ୟୁ ଯେପରି ୧୨୭ ଜଣଙ୍କୁ ହାତ ଠାରି ଡାକୁଥିଲା। କିନ୍ତୁ ଏହି ସମୟରେ ସମସ୍ତ ଯାତ୍ରୀଙ୍କ ପାଇଁ ଦେବଦୂତ ସାଜିଥିଲେ ପାଇଲଟ୍ ଆଲେକଜାଣ୍ଡର।</p> <p>&lt;a href=&quot;&quot;&gt;(image) &lt;/a&gt;ସେ ବିମାନକୁ ଜରୁରୀକାଳୀନ ଅବତରଣ କରିବାକୁ ନିଷ୍ପତ୍ତି ନେଇଥିଲେ। କିନ୍ତୁ ସେହି ସମୟରେ ବିମାନର ଜରୁରୀକାଳୀନ ଅବତରଣ କରିବା ଏତେ ସହଜ ନଥିଲା। କାରଣ ବିମାନ ଅବତରଣ କରୁଥିବା ଅଞ୍ଚଳରେ ଆକାଶ ମେଘାଚ୍ଛନ ରହିଥିଲା। ତେବେ ନିଜର ୩୦ ବର୍ଷର ଅଭିଜ୍ଞତାକୁ ପୁଞ୍ଜି କରି ଆଲେକଜାଣ୍ଡର ବିମାନକୁ ସୁରକ୍ଷିତ ଭାବେ ଅବତରଣ କରାଇଥିଲେ। ଅବତରଣ ପରେ ବିମାନର ଅବସ୍ଥା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ଏୟାରପୋର୍ଟର ଇଞ୍ଜିନିୟର। କାରଣ ବିମାନର ସମ୍ମୁଖ ଭାଗ ଏପରି ଭାବେ ନଷ୍ଟ ହୋଇଥିଲା ଯେ, ବିମାନକୁ ଅବତରଣ କରିବା ସମ୍ଭବ ନଥିଲା। କିନ୍ତୁ ଆଲେକଜାଣ୍ଡର ବିମାନକୁ ଅବତରଣ କରି ସମସ୍ତଙ୍କୁ ଚକିତ କରି ଦେଇଥିଲେ।</p> <p>https://www.youtube.com/watch?v=LqEqpISNa08</p> <p>ବିମାନ ଅବତରଣର ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଭିଡିଓ ଉପରେ ଲକ୍ଷେରୁ ଊର୍ଦ୍ଧ୍ୱ ମତାମତ ଆସିଥିବା ବେଳେ ଏହାକୁ ୭୨ ହଜାରରୁ ଅଧିକ ଥର ସେୟାର କରାଯାଇଛି। ଆଲେକଜାଣ୍ଡରଙ୍କ ସାହସିକତା ପାଇଁ ଋଷ ସରକାର ଅତିଶୀଘ୍ର ତାଙ୍କୁ ସମ୍ମାନିତ କରିବାକୁ ଘୋଷଣା କରିଛନ୍ତି।</p>