ହାପୁର: ଉତ୍ତର ପ୍ରଦେଶର ହାପୁରରେ ୬ ବର୍ଷୀୟ ଶିଶୁକନ୍ୟାକୁ ଅପହରଣ ପରେ ଅତ୍ୟନ୍ତ ଭୟଙ୍କର ଢଙ୍ଗରେ ଦୁଷ୍କର୍ମ କରିବା ଘଟଣାର ମୁଖ୍ୟ ଅଭିଯୁକ୍ତକୁ ଆଜି ପୁଲିସ୍ ଶେଷରେ ଗିରଫ କରିଛି। ଘଟଣାର ୭ ଦିନ ପରେ ପୁଲିସ୍କୁ ଏହି ସଫଳତା ମିଳିଛି। ଏବେ ମୁଖ୍ୟ ଅଭିଯୁକ୍ତକୁ ପୁଲିସ୍ ଜେରା କରି ଅଧିକ ତଥ୍ୟ ହାସଲ କରିବାରେ ଲାଗିଛି।
ଅଗଷ୍ଟ ୬ ତାରିଖରେ ହାପୁର ଘରମୁକେଶ୍ୱର କୋଟୱାଲି ଅଞ୍ଚଳରୁ ଶିଶୁକନ୍ୟାଟିକୁ ଜଣେ ଦୁର୍ବୃତ୍ତ ବାଇକ ଯୋଗେ ଅପହରଣ କରି ନେଇଥିଲା। ଏହାପରେ ଶିଶୁକନ୍ୟାଟିକୁ ଅତ୍ୟନ୍ତ ଭୟଙ୍କର ଢଙ୍ଗରେ ଦୁଷ୍କର୍ମ କରାଯାଇଥିଲା। ଏହାର ଗୋଟିଏ ଦିନ ପରେ ଶିଶୁକନ୍ୟାଟିକୁ ନିକଟସ୍ଥ ପଡ଼ିଆରୁ ଅଚେତ ଅବସ୍ଥାରେ ଠାବ କରାଯାଇଥିଲା।
ତୁରନ୍ତ ଶିଶୁକନ୍ୟାଟିରୁ ହସ୍ପିଟାଲ ନିଆଯାଇଥିଲା। ଏବେ ବି ସେ ଗୁରୁତର ଅବସ୍ଥାରେ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଘଟଣା ପରେ ପୁଲିସ୍ ଅଭିଯୁକ୍ତକୁ ଧରିବା ପାଇଁ ଚେଷ୍ଟା କରିଥିଲେ ହେଁ ତା’ର କୌଣସି ପତ୍ତା ମିଳି ନଥିଲା। ଏହାପରେ ପୁଲିସ୍ ୫୦ ହଜାର ଟଙ୍କାର ପୁରସ୍କାର ଓ ଅଭିଯୁକ୍ତର ଫଟୋ ମଧ୍ୟ ଜାରି କରିଥିଲା।