ଆଦିବାସୀଙ୍କ ଆସ୍ଥା ହରାଉଛନ୍ତି ନକ୍ସଲ, ୨୦୧୮ରେ ମାଓ ମୂଳପୋଛ ପାଇଁ ଯୋଜନା

<p>ବିଶାଖାପାଟଣା (ଯଶୋବନ୍ତ ପାଢ଼ୀ): ଦଳିତ ଆଦିବାସୀଙ୍କ ତ୍ରାଣକର୍ତ୍ତା ବୋଲାଉ ଥିବା ମାଓବାଦୀମାନେ କ୍ରମଶଃ ଆଞ୍ଚଳିକ ଆସ୍ଥା ଓ ସମର୍ଥନ ହରାଉଛନ୍ତି। ଆଗାମୀ ୨୦୧୮ ମସିହାର ଡିସେମ୍ବର ମାସ ସୁଦ୍ଧା ବିଶାଖାପାଟଣା ଜିଲ୍ଲାର ମାଓପ୍ରବଣ ୧୦ଟି ପଞ୍ଚାୟତକୁ &nbsp;ସମ୍ପୂର୍ଣ ରୂପେ ମାଓ ମୁକ୍ତ କରାଯିବାକୁ ଯୋଜନା ପ୍ରସ୍ତୁତ କରାଯାଇଛି।&nbsp; ଏହି ସୂଚନା ଦେଇଛନ୍ତି ବିଶାଖାପାଟଣା ଗ୍ରାମାଞ୍ଚଳ ପୋଲିସ କର୍ତ୍ତୃପକ୍ଷ ରାହୁଲ ଦେବ ଶର୍ମା।</p> <p>ଆଜି ବିଶାଖାପାଟଣା ସହରରେ ଗ୍ରାମାଞ୍ଚଳ ପୋଲିସ କର୍ତ୍ତୃପକ୍ଷଙ୍କ କାର୍ଯ୍ୟାଳୟରେ ଗୋଟିଏ ବାର୍ଷିକ ସମ୍ମିଳନୀର ଆୟୋଜନ କରାଯାଇଥିଲା। ଏଥିରେ ୨୦୧୭ ମସିହାରେ ବିଶାଖାପାଟଣା ଜିଲ୍ଲାର ମାଓପ୍ରବଣ ଅଞ୍ଚଳରେ ବିକାଶ କାର୍ଯ୍ୟ, ସେମାନଙ୍କୁ ମୁଖ୍ୟସ୍ରୋତରେ ସାମିଲ ପାଇଁ ହେଉଥିବା ଯୋଜନା ଓ ମାଓ ଦମନ ପାଇଁ &nbsp;ପ୍ରସ୍ତୁତି ଆଦି କାର୍ଯ୍ୟରେ ପୋଲିସ କେତେଦୂର ସଫଳ ହୋଇଛି ସେ ନେଇ ସମୀକ୍ଷା କରାଯାଇଥିଲା। ପୋଲିସ ବିଭାଗର ସଦ୍ୟ ସୂଚନା ଅନୁଯାୟୀ ବିଗତ ବର୍ଷଗୁଡିକ ତୁଳନାରେ ୨୦୧୭ରେ ମାଓ ବିରୋଧୀ ଅଭିଯାନକୁ ଅଧିକ ସଫଳତା ମିଳିଛି। ଚଳିତବର୍ଷ ୨ଟି ଗୁଳି ବିନିମୟ ହୋଇଥିବା ବେଳେ ଏଥିରେ ମୋଷ୍ଟ ୱାଣ୍ଟେଡ ମାଓବାଦୀ ଜାମ୍ବରୀର ମୁତ୍ୟୁ ଘଟିଥିଲା।</p> <p>ଚଳିତବର୍ଷ ମୋଟ ୧୬୯ ଜଣ ମାଓବାଦୀଙ୍କୁ ଗିରଫ କରାଯାଇଛି। ସେମାନଙ୍କ ମଧ୍ୟରେ ୧୬ ଜଣ ମୋଷ୍ଟ ୱାଣ୍ଟେଡ,&nbsp; ୩୬ ଜଣ ମିଲିସିଆ ଓ ୧୧୭ ଜଣ ମାଓ ସମର୍ଥକ ରହିଛନ୍ତି। ସେହିପରି ଚଳିତବର୍ଷ ୬୨ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି। ସେମାନଙ୍କ ମଧ୍ୟରୁ ୨୯ ଜଣ ମୋଷ୍ଟ ୱାଣ୍ଟେଡ ଓ ୩୩ ଜଣ ମିଲିସିଆ ରହିଛନ୍ତି।</p> <p>ଏଥିସହ ଚଳିତ ବିଶାଖାପାଟଣା ପୋଲିସ୍&zwnj;କୁ ଗୋଟିଏ ବଡ଼ ସଫଳତା ମିଳିଛି। ଆନ୍ଧ୍ରପ୍ରଦେଶ ଓ ଓଡ଼ିଶା ସୀମାରେ ସକ୍ରିୟ ରହିଥିବା ୩ଟି ମାଓଦଳ ଗାଲୀକୋଣ୍ଡା, ପେଦାବାୟାଳୁ ଓ କୋରୁକୋଣ୍ଡା ଏରିଆ କମିଟି ମଧ୍ୟରୁ ଗାଲୀକୋଣ୍ଡା ଏରିଆ କମିଟି ଦଳ ସମ୍ପୂର୍ଣ୍ଣ ଭାବେ ଲୋପ ପାଇଯାଇଛି। ଏହି ଦଳର ଶେଷ ମାଓବାଦୀ ପ୍ରମୁଖ ୨ ମାଓ ନେତା କିଶୋର ଓ ଶୋଭନ ଗତ ସପ୍ତାହ ବିଶାଖାପାଟଣା ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ବର୍ତ୍ତମାନ କୋରୁକୋଣ୍ଡା ଓ ପେଦାବାୟାଳୁ ମାଓ ଦଳର ନେତାଙ୍କୁ ଦଳ ଛାଡ଼ି ସମାଜର ମୁଖ୍ୟସ୍ରୋତରେ ସାମିଲ କରିଇବା ପାଇଁ ପୋଲିସ ଯୋଜନା ପ୍ରସ୍ତୁତ କରୁଛି। ୨୦୧୮ ମସିହା ଡିସେମ୍ବର ସୁଦ୍ଧା ଏହି ଦୁଇ ଦଳକୁ ବିନା ଦ୍ଵିଧାରେ ଲୋପ କରିବା ପାଇଁ ପୋଲିସ ମାଷ୍ଟର ପ୍ଲାନ ପ୍ରସ୍ତୁତ କରୁଥିବା ଶର୍ମା କହିଛନ୍ତି।</p> <p>ମାଓପ୍ରବଣ ଅଞ୍ଚଳର ସମ୍ପୂର୍ଣ୍ଣ ବିକାଶ ପାଇଁ ପ୍ରତ୍ୟେକ ଗ୍ରାମରେ ଜଣେ ପୋଲିସ କର୍ମଚାରୀ ଓ ପୋଲିସ ଗାଡ଼ିକୁ କାର୍ଯ୍ୟରେ ନିୟୋଜିତ କରାଯାଇଛି। ଏହି ଗାଡି ପେଟ୍ରୋଲିଂ ସହ ଆଦିବାସୀଙ୍କୁ ଅସୁବିଧା ସମୟରେ ହସ୍ପିଟାଲ କାର୍ଯ୍ୟରେ ବ୍ୟବହାର କରିବାର ବ୍ୟବସ୍ଥା ରହିଛି। ଏଥିସହ ମାଓପ୍ରବଣ ଅଞ୍ଚଳରେ ଶିକ୍ଷାର ଉନ୍ନତି ଓ ସରକାରୀ ଯୋଜନା ସମ୍ପର୍କରେ ସଚେତନତା ସଅଷ୍ଟି ପାଇଁ ପ୍ରତିମାସରେ ଜିଲ୍ଲାପାଳଙ୍କ ଗୋଟିଏ ଟିମ ସହ ପୋଲିସ କର୍ମଚାରୀମାନେ ରାସ୍ତା ବିହୀନ ମାଓପ୍ରବଣ ଅଞ୍ଚଳ ଗସ୍ତ କରିବେ। ସେଠାରେ ବିକାଶ କାର୍ଯ୍ୟର ସମୀକ୍ଷା କରାଯିବ। ଏଥିସହିତ ୨୦୧୮ ସୁଦ୍ଧା ଆନ୍ଧ୍ର ଓଡ଼ିଶା ସୀମାନ୍ତରେ ରହିଥିବା ଆନ୍ଧ୍ରପ୍ରଦେଶର ସମସ୍ତ ୧୦ଟି ମାଓପ୍ରବଣ ପଞ୍ଚାୟତକୁ ମାଓମୁକ୍ତ ପାଇଁ ରଣକୌଶଳ ପ୍ରସ୍ତୁତ କରାଯାଇଥିବା ରାହୁଲ ଦେବ ଶର୍ମା କହିଛନ୍ତି।</p> <p>&amp;nbsp;</p>