ନୂଆଦିଲ୍ଲୀ: ପଞ୍ଜାବ ନାଭା ସେଣ୍ଟ୍ରାଲ ଜେଲରୁ ଫେରାର ହୋଇଥିବା ଖଲିସ୍ତାନୀ ଆତଙ୍କବାଦୀ ହରମିନ୍ଦର ସିଂହ(ମିଣ୍ଟୁ)କୁ ଆଜି ପଞ୍ଜାବ ଓ ଦିଲ୍ଲୀ ପୋଲିସ ମିଳିତ ଅଭିଯାନରେ ଦିଲ୍ଲୀ ହରିୟାଣା ସୀମାରୁ ଗିରଫ କରିଛି। ତେବେ ମିଣ୍ଟୁ ସହ ଫେରାର ହୋଇଥିବା ଅନ୍ୟ ୫ ଆତଙ୍କବାଦୀ ଏଯାଏଁ ଫେରାର ଅଛନ୍ତି। ହାଇ ସିକ୍ୟୁରିଟିରେ ଥିବା ନାଭା ସେଣ୍ଟ୍ରାଲ ଜେଲ ଉପରେ ଗତକାଲି ସକାଳେ ସଶସ୍ତ୍ର ଦୁର୍ବୃତ୍ତ ଆକ୍ରମଣ କରିଥିଲେ।
ପୋଲିସ ପୋଷାକରେ ଆସିଥିବା ୧୦ ଦୁର୍ବୃତ୍ତମାନେ ଜେଲ ଭିତରକୁ ପଶି ୧୦୦ ରାଉଣ୍ଡ ଗୁଳି ଚଳାଇଥିଲେ। ଏହାର ସୁଯୋଗ ନେଇ ଖଲିସ୍ତାନ ଲିବରେସନ ଫୋର୍ସ ମୁଖ୍ୟ ହରମିନ୍ଦର ସିଂହ (ମିଣ୍ଟୁ) ସମେତ ୬ କଏଦୀ ଚମ୍ପଟ ମାରିଥିଲେ।
ହରମିନ୍ଦରକୁ ୨୦୧୪ ନଭେମ୍ବରରେ ଦିଲ୍ଲୀ ଏୟାରପୋର୍ଟରୁ ଗିରଫ କରାଯାଇଥିଲା। ମିଣ୍ଟୁ ବିରୋଧରେ ଆତଙ୍କବାଦ ସଂପର୍କିତ ୧୦ରୁ ଅଧିକ ସଂଗୀନ ମାମଲା ରହିଛି। ଫେରାର ହୋଇଥିବା ଅନ୍ୟ କଏଦୀମାନେ ହେଲେ ଭିକି ଗୋଣ୍ଡର, ଗୁରପ୍ରୀତ ସେଙ୍ଖୋ, ନୀତା ଦେଓଲ ଓ ବିକ୍ରମଜିତ୍।