ମୁମ୍ୱାଇ: ଅଭିନେତ୍ରୀ ରିଆ ଚକ୍ରବର୍ତ୍ତୀ ଡ୍ରଗ୍ସ ଲିଙ୍କରେ ସାମିଲ୍ ଅଛନ୍ତି। ଡ୍ରଗ୍ସ ଆଣି ରିଆ ବିକ୍ରି କରୁଥିଲେ। ନାର୍କୋ କଣ୍ଟ୍ରୋଲ ବ୍ୟୁରୋ ଏବେ ଏଭଳି ରିପୋର୍ଟ ଦେଇଛି। ରିଆ ଚକ୍ରବର୍ତ୍ତୀଙ୍କୁ ଏହି ମାମଲାରେ ଏନସିବି ସମନ କରିବ ବୋଲି ସୂଚନା ରହିଛି। ରିଆଙ୍କ ଡ୍ରଗ୍ସ ଲିଙ୍କର ସମସ୍ତ ପ୍ରମାଣ ଏନିସିବି ହାତରେ ଲାଗିଥିବାରୁ ରିଆ ଗିରଫ ହେବା ଏକ ପ୍ରକାର ଥୟ ବୋଲି ମଧ୍ୟ କୁହାଯାଉଛି।
ଗତକାଲି ଡ୍ରଗ୍ସ ମାମଲାରେ ରିଆଙ୍କ ଭାଇ ସୌଭିକ ଏବଂ ସୁଶାନ୍ତ ସିଂହ ରାଜପୁତଙ୍କ ମ୍ୟାନେଜର ସାମୁଏଲ ମାରେଣ୍ଡାକୁ ଏନସିବି ଗିରଫ କରିଥିଲା। ଏକ ହ୍ୱାଟସଆପ୍ ଚାଟରେ ରିଆ-ସୌଭିକ ଡ୍ରଗ୍ସ ନେଇ କଥାବାର୍ତ୍ତା ହୋଇଥିବା ଜଣାପଡ଼ିଛି।
ଏହା ପୂର୍ବରୁ ରିଆଙ୍କ ଘରେ ଏନିସିବି ରେଡ୍ କରିଥିଲା। ରିଆଙ୍କ ମୋବାଇଲ୍, ଲାପଟପ ଆଦି ଇଲୋକ୍ଟ୍ରୋନିକ୍ସ ଉପକରଣ ସହିତ ଅନ୍ୟାନ୍ୟ ଉପକରଣ ଏନସିବି ଜବତ କରିଛି। ଏହାପରେ ସୌଭିକଙ୍କୁ ଏନିସିବି ସାଙ୍ଗରେ ନେଇ ଆସିଥିଲା। ପରେ ରାତିରେ ସୌଭିକକୁ ଗିରଫ କରିଛି। ଏବେ ରିମାଣ୍ଡରେ ନେବା ପାଇଁ ଏନସିବି ମୁମ୍ୱାଇ ମାଜିଷ୍ଟ୍ରେଟ କୋର୍ଟେର ଅପିଲ୍ କରିଛି।