କରୁକ୍ଷେତ୍ର: ଜମ୍ମୁ ଓ କାଶ୍ମୀରରେ ନିୟନ୍ତ୍ରଣ ରେଖାରେ ଆତଙ୍କବାଦୀଙ୍କ ସହ ଲଢ଼ି ସହିଦ ହୋଇଥିବା ଭାରତୀୟ ଯବାନ ସନ୍ଦୀପ ସିଂହଙ୍କର ଶେଷକୃତ୍ୟ ଆଜି ହରିୟାଣାର କୁରୁକ୍ଷେତ୍ର ଜିଲ୍ଲା ସ୍ଥିତ ତାଙ୍କର ଜନ୍ମମାଟି ଅନ୍ତେହରୀରେ ରାଷ୍ଟ୍ରୀୟ ସମ୍ମାନ ସହ ସମ୍ପନ୍ନ ହୋଇଛି।
୧୭ ଶିଖ୍ ରେଜିମେଣ୍ଟର ସିପାହୀ ସନ୍ଦୀପ ଜମ୍ମୁ ଓ କାଶ୍ମୀରର କୁପୱାଡା ଅଞ୍ଚଳର ମାଛିଲ ସେକ୍ଟରରେ ଆତଙ୍କବାଦୀଙ୍କ ସହ ହୋଇଥିବା ଗୁଳିବିନିମୟରେ ଶୁକ୍ରବାର ରାତିରେ ସହିଦ ହୋଇଥିଲେ। ସନ୍ଦୀପଙ୍କ ପାର୍ଥିବ ଶରୀରକୁ ଶନିବାର ଅମ୍ବାଲା ଅଣାଯାଇଥିଲା। ଆଜି ଏହାକୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା।
ସନ୍ଦୀପଙ୍କ ଗାଁର ଜଣେ ଗ୍ରାମବାସୀ କହିଛନ୍ତି,“ସହିଦ ହୋଇଥିବା ଯବାନମାନଙ୍କୁ ସମ୍ମାନ ଜଣାଇ ଆମ ଗାଁରେ ଏଥର ଦୀପାବଳୀ ପାଳନ କରାଯିବ ନାହିଁ।”
ସନ୍ଦୀପଙ୍କ ପିତା କୁଲ ସିଂହ କହିଛନ୍ତି,“ମୋ ପୁଅ ଦେଶ ପାଇଁ ବଳିଦାନ ଦେଇଥିବାରୁ ମୁଁ ଗର୍ବିତ। ଅମାନବୀୟ କାର୍ଯ୍ୟ ପାଇଁ ପାକିସ୍ତାନକୁ ଉଚିତ୍ ଶିକ୍ଷା ଦିଆଯିବା ଉଚିତ୍।