କୋଲକାତା: ବହୁଚର୍ଚ୍ଚିତ ସାରଦା ଚିଟଫଣ୍ଡ ଘୋଟାଲା ମାମଲାରେ ଆଜି ଦ୍ୱିତୀୟ ଥର ପାଇଁ ସିବିଆଇ ଜେରାର ସାମ୍ନା କରୁଛନ୍ତି ପଶ୍ଚିମବଙ୍ଗର ଆଇପିଏସ ଅଫିସର ଅର୍ଣ୍ଣବ ଘୋଷ। ଗତକାଲି ପାଖାପାଖି ୯ ଘଣ୍ଟା ଧରି ସିବିଆଇ ଜେରାର ସମ୍ମୁଖୀନ ହେବା ପରେ ଆଜି ଦ୍ୱିତୀୟ ଥର ହାଜର ହେବା ପାଇଁ ସିବିଆଇ ଅର୍ଣ୍ଣବଙ୍କୁ କହିଥିଲା।
ସାରଦା ଚିଟଫଣ୍ଡ ଘୋଟାଲାର ତଦନ୍ତ ପ୍ରଥମେ ପଶ୍ଚିମବଙ୍ଗ ସରକାର ଏକ ଏସଆଇଟି ଗଠନ କରି ତଦନ୍ତ କରିଥିଲେ। ସେତେବେଳେ ଏସଆଇଟି ଟିମର ନେତୃତ୍ୱ ନେଇଥିବା ଆଇପିଏସ ରାଜୀବ କୁମାରଙ୍କ ଟିମରେ ଥିଲେ ଅର୍ଣ୍ଣବ ଘୋଷ ଏବଂ ଦିଲ୍ଲୀପ ହାବ୍ରା। ଅର୍ଣ୍ଣବ ସିବିଆଇ ଜେରାର ସମ୍ମୁଖୀନ ହୋଇଥିବାବେଳେ ଦିଲ୍ଲୀପ ହାବ୍ରା ସିବିଆଇ ସମନର ଜବାବ ରଖି ନାହାନ୍ତି।
ସେତେବେଳେ ଏସଆଇଟି ଟିମର ନେତୃତ୍ୱ ନେଇଥିବା ରାଜୀବ କୁମାର ତଦନ୍ତ କରୁଥିବାବେଳେ ଅନେକ ପ୍ରମାଣ ନଷ୍ଟ କରିଦେଇଥିବାର ପ୍ରମାଣ ସିବିଆଇ ପାଇଛି। ତେଣୁ ରାଜୀବଙ୍କ ଟିମରେ ସାମିଲ ଥିବା ଦୁଇ ସହଯୋଗୀ ଅର୍ଣ୍ଣବ ଏବଂ ଦିଲ୍ଲୀପ ହାବ୍ରାଙ୍କୁ ଜେରା କରି ସିବିଆଇ ଏ ଦିଗରେ ଅଧିକ ଖୋଳତାଡ଼ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
