ନୂଆଦିଲ୍ଲୀ: କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧୀଙ୍କୁ ଭାରତ ରତ୍ନ ଦେବା ପାଇଁ ଦାବି ହୋଇଛି। କଂଗ୍ରେସ ନେତା ତଥା ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହରିଶ ରାଓ୍ୱତ ଏହି ଦାବି କରିଥିଲେ। ଏବେ ଶିବସେନା ସାଂସଦ ତଥା ମୁଖପାତ୍ର ସଞ୍ଜୟ ରାଉତ ମଧ୍ୟ ସୋନିଆଙ୍କୁ ଭାରତ ରତ୍ନ ଦାବିକୁ ସମର୍ଥନ କରିଛନ୍ତି।
ଗୁରୁବାର ସଞ୍ଜୟ ରାଉତ କହିଛନ୍ତି ଯେ କେନ୍ଦ୍ର ସରକାର ଏହା ଉପରେ ନିଷ୍ପତ୍ତି ନେବା ଉଚିତ୍। ଭାରତ ରତ୍ନ ଦେବା ନେଇ ପ୍ରଧାନମନ୍ତ୍ରୀ ମୋଦି ହିଁ ବିରୋଧ କରୁଥାଇ ପାରନ୍ତି। ତେଣୁ ବିଜେପି ଏ ବାବଦରେ ମତ ରଖିବା ଦରକାର।
ସେହିପରି ବିଏସପି କହିଛି ଦେଶର ଦଳିତ ତଥା ପୀଡିତଙ୍କ ଉପରେ ଆତ୍ମବିଶ୍ୱାସ ସୃଷ୍ଟି କରିଥିବାରୁ ବିଏସପି ମୁଖ୍ୟ ମାୟାବତୀଙ୍କୁ ଭାରତ ରତ୍ନ ଦିଆଯିବା ଦରକାର।
ସୋନିଆ ଗାନ୍ଧୀ ଏବଂ ମାୟାବତୀଙ୍କୁ ଭାରତ ରତ୍ନ ଦେବା ନେଇ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର କହିଛନ୍ତି ଯେ ସମସ୍ତଙ୍କର ଦାବି କରିବାର ଅଧିକାର ଅଛି। ୟୁପିଏ ୧୦ ବର୍ଷ ସରକାରରେ ଥିଲା। ବିଏସପି ୟୁପିଏରେ ଥିଲା। ସେମାନେ ଆଜି ଯାହା ଦାବି କରୁଛନ୍ତି, ସେତେବେଳେ ଦାବି କରିପାରିଥାନ୍ତେ।