ନୂଆଦିଲ୍ଲୀ: ସୋମାଲିଆ ରାଜଧାନୀ ମୋଗାଦିଶୁରେ ହୋଇଥିବା ବିସ୍ଫୋରଣରେ ମୃତକଙ୍କ ସଂଖ୍ୟା ୩୦୦ ଟପିଛି ଓ ୨୫୦ ଆହତ ହୋଇଛନ୍ତି। ଏହାକୁ ରାଷ୍ଟ୍ରୀୟ ବିପତ୍ତି ଘୋଷଣା କରିଛନ୍ତି ସୋମାଲିଆ ସରକାର। ଏଥିପାଇଁ ରାଷ୍ଟ୍ରପତି ମହମ୍ମଦ ଅବବ୍ଦୁଲାଇ ତିନି ଦିନିଆ ରାଷ୍ଟ୍ରୀୟ ଶୋକ ଘୋଷଣା କରାଯାଇଛି। ଏଭଳି ଦୁର୍ଦ୍ଦିନରେ କେନିଆ, ତୁର୍କି ସମେତ ବିଭିନ୍ନ ରାଷ୍ଟ୍ର ସୋମାଲିଆକୁ ସାହାଯ୍ୟର ହାତ ବଢ଼ାଇଛନ୍ତି। ଏଭଳି ଘଟଣା ପାଇଁ ନିଜକୁ ଦାୟୀ କରିଛି ଆତଙ୍କୀ ସଂଗଠନ ଅଲ୍ ସବାବ୍ ।
ଶନିବାର ଦିନ ଜନଗହଳିପୂର୍ଣ୍ଣ ସହର ମୋଗାଦିଶୁରେ ଏହି ଭୟଙ୍କର ବିସ୍ଫୋରଣ ଘଟିଥିଲା। ବିପୁଳ ପରିମାଣର ବିସ୍ଫୋରକ ବୋଝେଇ କାର୍ ପଶିଥିଲା ସହରର ମୁଖ୍ୟ ଭାଗକୁ। ରେ ଥିଲେ ସାଧାରଣ ଲୋକଙ୍କୁ ଟାଗେର୍ଟ କରି କାର୍ ପଶିଥିଲା ନିକଟରେ ଥିବା ଏକ ହୋଟେଲ ଭିତରକୁ। ଏହାପରେ ବିସ୍ଫୋରଣ ହୋଇଥିଲା। ସେହିପରି ସହରର ଅନ୍ୟ ଏକ ସ୍ଥାନରେ ବି ବିସ୍ଫୋରଣ ଘଟିଛିା ସୋମାଲିଆ ସରକାର ଇସଲାମିକ ଅଲ୍ ସବାବ ସଂଗଠନକୁ ନଷ୍ଟ କରିବା ପାଇଁ ଆମେରିକା ସହ ମିଶି ଯୋଜନା ଚଳାଉଥିବାରୁ ଏହି ସଙ୍ଗଠନ ବିସ୍ଫୋରଣ ଘଟାଇଥିବା ଜଣାପଡ଼ିଛି। ତେବେ ୨୦୦୭ ପରେ ଦେଶରେ ଏହା ସବୁଠାରୁ ବଡ଼ ଏବଂ ଭୟାନକ ବିସ୍ଫୋରଣ।