କାଇରୋ: ସୋମବାର ସୁଦାନ ରାଜଧାନୀରେ ପ୍ରଧାନମନ୍ତ୍ରୀଙ୍କୁ ହତ୍ୟା ଉଦ୍ୟମ ହୋଇଥିବା ସୂଚନା ମିଳିଛି। ସୁଦାନର ରାଜଧାନୀ ଖାର୍ଟୌମ୍ଠାରେ ହୋଇଥିବା ଏକ ବିସ୍ଫୋରଣରେ ଆବଦଲ୍ଲା ହାମଡୋକ୍ ଅଳ୍ପକେ ବର୍ତ୍ତିଯାଇଛନ୍ତି। ଆବଦଲ୍ଲାଙ୍କ ପରିବାର ଏହି ବିଷୟରେ ସୂଚନା ଦେଇଛନ୍ତି। ତାଙ୍କ ଗାଡ଼ିକୁ ଲକ୍ଷ୍ୟ କରି ଏହି ବିସ୍ଫୋରଣ ହୋଇଥିଲା।
ଗତ ଅଗଷ୍ଟ ମାସରେ ହିଁ ଆବଦଲ୍ଲା ପ୍ରଧାନମନ୍ତ୍ରୀ ଦାୟିତ୍ୱ ନେଇଥିଲେ। ଗଣତନ୍ତ୍ର ସମର୍ଥନରେ ଆନ୍ଦୋଳନ ପରେ ସେନା ଏକଚ୍ଛତ୍ରବାଦୀ ଶାସକ ଓମାର ଅଲ ବଶିରକୁ ହଟାଇବାରୁ ଆବଦଲ୍ଲାଙ୍କୁ ଏହି ଦାୟିତ୍ୱ ମିଳିଥିଲା। ଗତବର୍ଷ ଏପ୍ରିଲ ମାସରେ ସୁଦାନ ରାଜନୀତିରେ ଏଭଳି ପରିବର୍ତ୍ତନ ହୋଇଥିଲା।
ସେନା ଜେନେରାଲ ମାନେ ଏପର୍ଯ୍ୟନ୍ତ ସମାନ୍ତରାଳ କ୍ଷମତା ଉପଭୋଗ କରୁଛନ୍ତି। ସେମାନେ ଗଣତାନ୍ତ୍ରିକ ଶାସକଙ୍କୁ ଏପର୍ଯ୍ୟନ୍ତ ସମ୍ପୂର୍ଣ୍ଣ କ୍ଷମତା ହସ୍ତାନ୍ତର କରିନାହାନ୍ତି। ହାମଡୌକ୍ ପୂର୍ବରୁ କହିସାରିଛନ୍ତି, ୨୦୦୦ ମସିହା ବେଳକୁ ଲାଗି ରହିଥିବା ଗଣହତ୍ୟାର ବିଚାର ଅନ୍ତର୍ଜାତୀୟ ଅପରାଧିକ କୋର୍ଟରେ କରାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
