ନୂଆଦିଲ୍ଲୀ: ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ ଭାରତ ୨୬ ଜାନୁଆରୀରେ ପାକିସ୍ତାନ ଅଧିକୃତ କଶ୍ମୀରରେ ଥିବା ବାଲାକୋଟର ଜୈସ୍-ଇ-ମହମ୍ମଦ କ୍ୟାମ୍ପ୍ ଉପରେ ଆକ୍ରମଣ କରିଥିଲା। ଏଥିରେ ୩୦୦ରୁ ଅଧିକ ଆତଙ୍କବାଦୀ ନିପାତ ହୋଇଥିଲେ। ମିରାଜ୍-୨୦୦୦ ଯୁଦ୍ଧ ବିମାନ ଯୋଗେ ଏହି ଆକ୍ରମଣ କରାଯାଇଥିଲା।
ଏହି ଏୟାର୍ ଷ୍ଟ୍ରାଇକ୍କୁ ନେଇ କେବଳ ଭାରତ ନୁହେଁ, ସାରା ବିଶ୍ୱରେ ଚର୍ଚ୍ଚା ହୋଇଥିଲା। ଏହି ଏୟାର୍ ଷ୍ଟ୍ରାଇକ୍କୁ ନେଇ ସୁରଟରେ ଜଣେ ଶାଢ଼ୀ ବ୍ୟବସାୟୀ ଏକ ଶାଢ଼ୀ ତିଆରି କରିଛନ୍ତି।
ବ୍ୟବସାୟୀ ଜଣକ ହେଉଛନ୍ତି ବିନୋଦ କୁମାର ସୁରାଣା। ଯିଏ କେବଳ ୪ ଘଣ୍ଟା ମଧ୍ୟରେ ବାଲାକୋଟ ଏୟାର୍ ଷ୍ଟ୍ରାଇକ୍କୁ ନେଇ ଏକ ଶାଢ଼ୀ ପ୍ରିଣ୍ଟ୍ କରିଛନ୍ତି। ୬ ମିଟରର ଏହି ଶାଢ଼ୀରେ ଏୟାର୍ ଷ୍ଟ୍ରାଇକ୍ ବିଷୟରେ କୁହାଯାଇଛି।
ପ୍ରିଣ୍ଟ୍ ହୋଇଥିବା ଶାଢ଼ୀରେ ଭାରତୀୟ ବାୟୁ ସେନାର ଯବାନ ଓ ଷ୍ଟ୍ରାଇକ୍ରେ ବ୍ୟବହାର ହୋଇଥିବା ଯୁଦ୍ଧ ବିମାନ ମିରାଜ୍-୨୦୦୦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଚିତ୍ର ରହିଛି। 
ଏହି ଶାଢ଼ୀ ତିଆରିର ଖବର ଶୁଣିବା ପରେ ଏହାକୁ କିଣିବା ପାଇଁ ଲୋକଙ୍କର ଲମ୍ୱା ଲାଇନ୍ ଦେଖିବାକୁ ମିଳିଛି। ଏହାକୁ ନେଇ ବ୍ୟବସାୟୀ ବିନୋଦ କହିଛନ୍ତି, “ସାଧାରଣତଃ ଗୋଟିଏ ଶାଢ଼ୀ ତିଆରି କରିବା ପାଇଁ ୭ ଦିନ ଲାଗିଥାଏ। କିନ୍ତୁ ଏହି ଶାଢ଼ିକୁ କେବଳ ୪ ଘଣ୍ଟାରେ ପ୍ରସ୍ତୁତ କରାଯାଇଛି। ବର୍ତ୍ତମାନ ପର୍ଯ୍ୟନ୍ତ ଏହି ଶାଢ଼ୀ ପାଇଁ ୨୦୦୦ ଅର୍ଡର ଆସିଲାଣି।“
ଏହି ଶାଢ଼ୀର ଏଇ ଭିଡିଓ ସୋଶାଲ ମିଡିଆରେ ଅପଲୋଡ୍ ହୋଇଛି, ଯେଉଁଥିରେ ଶାଢ଼ୀ ବିଷୟରେ କୁହାଯାଇଛି। ଯାହା ବର୍ତ୍ତମାନ ଭାଇରାଲ୍ ହେବାରେ ଲାଗିଛି।
https://twitter.com/imdahir/status/1100438997401186304
ତେବେ ଫ୍ୟାଶନ୍ ଦୃଷ୍ଟିକୋଣରୁ ଦେଖିରେ ଶାଢ଼ୀଟି ବହୁତ ସୁନ୍ଦର ଭାବରେ ଡିଜାଇନ୍ କରାଯାଇଛି। ଏଥିପାଇଁ ଏହାକୁ କିଣିବା ପାଇଁ ଗ୍ରାହକଙ୍କ ଭିଡ଼ ବଢ଼ିବାରେ ଲାଗିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
