ଚେନ୍ନାଇ: ପ୍ରସିଦ୍ଧ ଲେଖିକା ତସଲିମା ନସରୀନ୍ ମୁସଲିମ୍ ପ୍ରଥା ଓ ପରମ୍ପରା ବାବଦରେ ପୁଣି ଏକ ସାଂଘାତିକ ମନ୍ତବ୍ୟ ଦେଇଛନ୍ତି। ସେ ଏଆର ରହମାନଙ୍କ ଝିଅ ଖତିଜାଙ୍କ ବୁର୍ଖା ପିନ୍ଧାକୁ ନେଇ ଏଭଳି ଏକ ମନ୍ତବ୍ୟ ଦେଇଛନ୍ତି। ତସଲିମା କହିଛନ୍ତି ଖତିଜା ବୁର୍ଖା ପିନ୍ଧିବାର ଦେଖିଲେ ତାଙ୍କୁ ରୁନ୍ଧି ହେବା ପରି ଲାଗେ।
https://twitter.com/taslimanasreen/status/1227100593262448647?s=20
ସେ ଏହି ଟ୍ୱିଟରେ କହିଛନ୍ତି, ମୋତେ ଏଆର ରହମାନଙ୍କ ଗୀତ ଭଲଲାଗେ। କିନ୍ତୁ ଯେତବେଳେ ବି ତାଙ୍କ ପ୍ରିୟ ଝିକୁ ଦେଖେ ମୁଁ ରୁନ୍ଧି ହୋଇଯାଏ। ଚିନ୍ତାର ବିଷୟ ହେଉଛି ଏପରିକି ସଂସ୍କୃତି ସମ୍ପନ୍ନ ପରିବାରର ଶିକ୍ଷିତ ମହିଳା ମଧ୍ୟ ସହଜରେ ବ୍ରେନ୍ୱାଶ୍ ହୋଇଯାଇ ପାରୁଛନ୍ତି।
ତେବେ ଖତିଜା ଇନଷ୍ଟାଗ୍ରାମ୍ରେ ଏହାର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ସେ କ’ଣ ପିନ୍ଧିବେ ତାଙ୍କର ନିଷ୍ପତ୍ତି। ତସଲିମା ଯଦି ରୁନ୍ଧି ହୋଇଯାଉଛନ୍ତି, ସେ ସତେଜ ପବନରେ ଟିକେ ବୁଲି ଆସିବା ଦରକାର। ଖତିଜା କହିଛନ୍ତି, ଗତ ବର୍ଷକରେ ସେ ବହୁତ କିଛି ବଦଳିଛନ୍ତି। ସେ ସେସବୁ ଅନୁଭବ କରିଛନ୍ତି, ଯାହା ଆଗରୁ ଅନୁଭବ କରିନଥିଲେ। ସେ ଏହି ଇନ୍ଷ୍ଟାଗ୍ରାମରେ ତସଲିମାଙ୍କୁ ‘ଫେମିନିଜିମ୍’ର ପାଠ ପଢ଼ାଇଛନ୍ତି।