ଶ୍ରୀନଗର: ଜଣେ ସହିଦ ଯବାନଙ୍କ ବାପାଙ୍କ ସହିତ ତାଙ୍କୁ ସମବେଦନା ଜଣାଉଥିବା ଅନ୍ୟ ଜଣେ ଯବାନଙ୍କ ଫଟୋ ଏବେ ଶହ ଶହ ଲୋକଙ୍କ ହୃଦୟ ଥରାଉଛି। ଏହି ଫଟୋରେ ଅଫିସର ଜଣକ ଲାନ୍ସ ନାଏକ ନାଜିର ଅହମ୍ମଦ ୱାନିଙ୍କ ପିତାଙ୍କୁ ଆଲିଙ୍ଗନ କରୁଛନ୍ତି। ନାଜିର ଜମ୍ମୁ କଶ୍ମୀରର ଶୋପିଆନ୍ ଜିଲ୍ଲାରେ ଆତଙ୍କୀ ଅପରେସନ୍ରେ ସହିଦ ହୋଇଥିଲେ।
ଏହି ଆକ୍ରମଣରେ ୬ ଆତଙ୍କବାଦୀ ନିହତ ହେବା ସହିତ ଦୁଇ ଦୁଇ ଥର ସେନା ପଦକ ବିଜେତା। କୁଲ୍ଗାମ୍ ଜନ୍ମିତ ନାଜିର ୩୪ ରାଷ୍ଟ୍ରୀୟ ରାଇଫଲ୍ସ ସହିତ ଥିଲେ। ସେ ୨୦୦୪ ମସିହାରେ ସେନାରେ ଯୋଗ ଦେଇଥିଲେ ଏବଂ ଏହା ପୂର୍ବରୁ ସେ ଇଖ୍ୱାନ୍ ଥିଲେ। ସେ ସେନା ନିକଟରେ ଆତ୍ମସମର୍ପଣ କରି ସେନାରେ ସାମିଲ ହୋଇଥିଲେ।
ଆଲିଙ୍ଗନ ସମୟରେ ତାଙ୍କ ଅଫିସର ଜଣକ କହିଥିଲେ, “ଆପଣ ଏକା ନୁହନ୍ତି।” ଏପରି ଶୁଣିବାପରେ ଭାବ ବିହ୍ୱଳ ଯବାନଙ୍କ ପିତା ଆଖି ମୁଦି ଦେଇଛନ୍ତି। ଏହି ଫଟୋ ପ୍ରଥମେ ଭାରତୀୟ ସେନା ପକ୍ଷରୁ ଟ୍ୱିଟ୍ କରାଯାଇଥିଲା ଏବଂ ପରବର୍ତ୍ତୀ ମୁହୂର୍ତ୍ତରେ ଭାଇରାଲ ହୋଇଥିଲା।
https://twitter.com/adgpi/status/1067624524366016512
https://twitter.com/karabhijeet_kar/status/1067639369022861312
https://twitter.com/Vkiran2208/status/1067644586993037313
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
