ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ଟାଇମ୍ ପର୍ସନ୍ ଅଫ୍ ଦି ଇୟର’ର ରିଡର୍ସ ପୋଲ୍ରେ ବିଜୟ ହାସଲ କରିଛନ୍ତି। ତେବେ ଆମେରିକାର ଟାଇମ୍ ମାଗାଜିନ୍ ଦ୍ୱାରା ‘ପର୍ସନ୍ ଅଫ୍ ଦ ଇୟର’ର ଚୂଡ଼ାନ୍ତ ତାଲିକାର ବିଜେତାଙ୍କ ନାମ ଆସନ୍ତା ୭ ଡିସେମ୍ବରରେ ଘୋଷଣା କରାଯିବ।
ରିଡର୍ସ ପୋଲ୍ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକାର ବାରାକ୍ ଓବାମା ଓ ଡୋନାଲ୍ଡ ଟ୍ରମ୍ପଙ୍କୁ ପଛରେ ପକାଇ ଦେଇଛନ୍ତି। କେବଳ ସେତିକି ନୁହେଁ, ମୋଦି ଅନେକ ପ୍ରମୁଖ ନେତା ଓ କଳାକାରଙ୍କୁ ମଧ୍ୟ ପଛରେ ପକାଇ ଦେଇଛନ୍ତି।
ଟାଇମ୍ ପର୍ସନ ଅଫ୍ ଦ ଇୟର ବ୍ୟକ୍ତିଙ୍କୁ ବର୍ଷର ସର୍ବାଧିକ ପ୍ରଭାବଶାଳୀ ବ୍ୟକ୍ତିତ୍ୱ ଭାବେ ଗଣନା କରାଯାଏ। ଏହାର ଅନ୍ତିମ ଚୟନ ପ୍ରକ୍ରିୟା ପତ୍ରିକାର ସଂପାଦକଙ୍କ ଉପରେ ନିର୍ଭର କରିଥାଏ। ତେବେ ରିଡର୍ସ ପୋଲ୍ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୧୮ ପ୍ରତିଶତ ଭୋଟ୍ ହାସଲ କରିଛନ୍ତି।