କୋଲକାତା: ପଶ୍ଚିମ ବଙ୍ଗର ବୀରଭୂମ ସ୍ଥିତ ତୃଣମୂଳ କଂଗ୍ରେସ ଅଫିସରୁ ଆଜି ପୋଲିସ୍ ଜବତ କରିଛି ୫ଟି ବ୍ୟାଗ ଭର୍ତ୍ତି ଦେଶୀ ବୋମା।
ବିଶେଷ ସୂତ୍ରରୁ ସୂଚନା ପାଇ ପାରୁଈ ଥାନା ପୋଲିସ୍ ଶନିବାର ସକାଳେ ସତ୍ତୋର ଗାଁରେ ଥିବା ତୃଣମୂଳ କଂଗ୍ରେସ ଅଫିସ୍ ଉପରେ ଚଢ଼ଉ କରିଥିଲା। ଚଢ଼ଉ ବେଳେ ପୋଲିସକୁ ୫ଟି ବ୍ୟାଗ ଭର୍ତ୍ତି ବୋମା ମିଳିଥିଲା। ଏହା ପରେ ବୋମାଗୁଡ଼ିକୁ ନିଷ୍କ୍ରିୟ କରିବା ପାଇଁ ନିଷ୍କ୍ରିୟକାରୀ ସ୍କ୍ୱାଡକୁ ଡକାଇଥିଲା ପୋଲିସ୍।
ସୂଚନାଯୋଗ୍ୟ, ଲୋକସଭା ନିର୍ବାଚନ ପରଠାରୁ ବିଜେପି ଓ ତୃଣମୂଳ କଂଗ୍ରେସ ମଧ୍ୟରେ ଟଣାଓଟରା ଚାଲିଛି। ରାଜ୍ୟର ବିଭିନ୍ନ ସ୍ଥାନରେ ଏହି ଦୁଇ ଦଳ ମଧ୍ୟରେ ହିଂସାକାଣ୍ଡ ମଧ୍ୟ ଘଟିଛି। ବିଶେଷ କରି ବୀରଭୂମର ପୁରାଈ ଅଞ୍ଚଳରେ ଅନେକ ସମୟରେ ବିଜେପି ଓ ତୃଣମୂଳକ କଂଗ୍ରେସ କର୍ମୀଙ୍କ ମଧ୍ୟରେ ହାତାହାତି ଓ ସଂଘର୍ଷ ଘଟିଛି। ଏଭଳି ପରିସ୍ଥିତିରେ ସେଠାରୁ ୫ଟି ବ୍ୟାଗ୍ ଭର୍ତ୍ତି ବୋମା ମିଳିବା ଘଟଣା ସ୍ଥାନୀୟ ପୋଲିସକୁ ଚିନ୍ତାରେ ପକାଇ ଦେଇଛି।