ମୁମ୍ବାଇ: ଅନ୍ଲାଇନ୍ ମୋବାଇଲ୍ ଗେମ୍ ପବଜି ଖେଳିବାର ଏକ ଦୁଃଖଦ ପରିଣତି ମହାରାଷ୍ଟ୍ରର ହିଙ୍ଗୋଳିରେ ଦେଖିବାକୁ ମିଳିଛି। ଦୁଇ ଜଣ ଯୁବକ ରେଳ ଧାରଣା ଉପରେ ବସି ପବଜି ଗେମ୍ ଖେଳୁଥିବା ବେଳେ ଟ୍ରେନ୍ ଧକ୍କାରେ ସେମାନଙ୍କର ମୃତ୍ୟୁ ଘଟିଛି।
ନଗେଶ ଗୋରେ(୨୪) ଓ ସ୍ୱପନିଲ ଅନ୍ନପୁର୍ଣ୍ଣେ(୨୨) ଖାଟକାଲି ବାଇପାସ୍ ସ୍ଥିତ ରେଳ ଧାରଣା ନିକଟରେ ପବଜି ଗେମ୍ ଖେଳୁଥିଲେ। ସେମାନେ ଏହି ଖେଳରେ ଏତେ ମାତ୍ରାରେ ମଜ୍ଜି ଯାଇଥିଲେ ଯେ ରେଳ ଧାରଣାରେ ଆସୁଥିବା ହାଇଦ୍ରାବାଦ୍-ଆଜମେର ଟ୍ରେନ୍ର ହର୍ଣ୍ଣକୁ ଶୁଣି ପାରି ନଥିଲେ। ଟ୍ରେନ୍ଟି ଉଭୟଙ୍କୁ ଖୁବ୍ଜୋରରେ ଧକ୍କା ଦେଇଥିଲା।
ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ଘଟିଥିଲା। ପୁଲସ୍ ଉଭୟଙ୍କ ମୃତଦେହ ଜବତ କରିବା ସହିତ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।