ୟାଙ୍ଗୁନ :ଗତ ତିନି ଦିନ ତଳେ କୋମେନ୍ ପ୍ରଭାବରେ ମିଆଁମାରରେ ଆସିଛି ପ୍ରଳୟଙ୍କାରୀ ବନ୍ୟା। ଏଥିରେ ୬୯ ଜଣଙ୍କର ପ୍ରାଣ ଯାଇଥିବାବେଳେ ୨୫ ଲକ୍ଷ ଲୋକ ପ୍ରଭାବିତ ହୋଇଛନ୍ତି। ମିଆଁମାରରେ ବନ୍ୟା ପ୍ରପୀଡିତଙ୍କ ପାଇଁ ସହଯୋଗର ହାତ ବଢାଇଛି ଆମେରିକା। ଆମେରିକାର ପରରାଷ୍ଟ୍ର ସଚିବ ଜନ୍ କେରୀ ଆଜି କହିଛନ୍ତି ଯେ, ଖୁବଶୀଘ୍ର ମିଆଁମାର ପାଇଁ ଅନୁଦାନ ଓ ଅନ୍ୟାନ୍ୟ ସହାୟତା ଘୋଷଣା କରାଯିବ। ଏଥିପାଇଁ ୟାଙ୍ଗୁନସ୍ଥିତ ଆମେରିକୀୟ ଦୂତାବାସ ପକ୍ଷରୁ ମିଆଁମାର ସରକାରଙ୍କ ସହ ଆଲୋଚନା ଯାଉଛି। ବିଶେଷ କରି ମିଆଁମାର କେଉଁ ପ୍ରକାରର ସାହଯ୍ୟ ଆବଶ୍ୟକ କରୁଛି ସେ ସମ୍ପର୍କରେ ଆଲୋଚନା କରାଯାଉଛି।
ମିଆଁମାର ସରକାର ସାରା ବିଶ୍ୱକୁ ସାହାଯ୍ୟ ପାଇଁ ଅନୁରୋଧ କରିଥିବାବେଳେ ଜାପାନ ଓ ଚୀନ ସହାୟତା କରିବାକୁ ଘୋଷଣା କରିଛନ୍ତି। ଜାପାନ କମ୍ବଳ, ସ୍ଲିପିଂ ମ୍ୟାଟ୍ରେସ ଓ ପଲିଥିନ୍ ଯୋଗାଇ ଦେବ ବୋଲି କହିଛି। ସେହିପରି ଚୀନ ଏହି ସପ୍ତାହରୁ ବନ୍ୟା ପୀଡିତ ମିଆଁମାରରେ ରିଲିଫ୍ ସାମଗ୍ରୀ ପ୍ରଦାନ କରି ଆସୁଛି।