ନୂଆଦିଲ୍ଲୀ: ବେଦାନ୍ତ ଅଧ୍ୟକ୍ଷ ଅନୀଲ ଅଗ୍ରୱାଲ କରୋନା ମୁକାବିଲା ପାଇଁ ୧୦୦ କୋଟି ଟଙ୍କା ଦେବେ ବୋଲି ଘୋଷଣା କରିଛନ୍ତି। ଏହି ଶିଳ୍ପପତି କହିଛନ୍ତି, ବର୍ତ୍ତମାନ ହିଁ ସେହି ସମୟ ଯେତେବେଳେ ଦେଶ ଆମକୁ ଦରକାର କରୁଛି।
ସେ କହିଛନ୍ତି ବହୁତ ଲୋକ ବର୍ତ୍ତମାନ ଅନିଶ୍ଚିତତା ଦେଇ ଗତି କରୁଛନ୍ତି। ମୁଁ ଦିନ ମଜୁରିଆଙ୍କ ବାବଦରେ ବିଶେଷ କରି ଚିନ୍ତିତ ଅଛି। ଆମେ ଆମର ଯଥା ସମ୍ଭବ ସାହାଯ୍ୟ କରୁଛୁ।
ଏହା ପୂର୍ବରୁ ମହିନ୍ଦ୍ରା ଗ୍ରୁପ୍ ଅଧ୍ୟକ୍ଷ ଆନନ୍ଦ ମହିନ୍ଦ୍ରା କହିଥିଲେ, “ମୁଁ ମୋର ଦରମାର ଶତ ପ୍ରତିଶତ କରୋନା ମୁକାବିଲା ପାଇଁ ଦେବି। ଆସନ୍ତା କିଛି ମାସରେ ଆହୁରି ଏଥିରେ ମିଶାଇବି। ଆଗକୁ ସ୍ଥିତି ସଙ୍ଗିନ ହେଲେ ଡାକ୍ତରୀ ଭିତ୍ତିଭୂମିର ଦରକାର ପଡ଼ିବ। ଅନ୍ୟ ବ୍ୟବସାୟିକ ସଂସ୍ଥା ମଧ୍ୟ ଏଥିରେ ହାତ ବଢ଼ାନ୍ତୁ।”