ସୁରତ: ଏଯାଏ ମନରୁ ଲିଭିନି ଗୁଜରାଟ ସୁରତ କୋଚିଂ ସେଣ୍ଟର ଅଗ୍ନିକାଣ୍ଡ ଘଟଣା। ଗତ ସପ୍ତାହ ଶୁକ୍ରାବର (୨୪ ତାରିଖ) ଘଟିଥିବା ଏହି ଦୁର୍ଘଟଣାରେ ଅନେକ ଛାତ୍ରଛାତ୍ରୀ ପାଠ ପଢ଼ିବାକୁ ଆସି ଆଉ ଘରକୁ ଫେରି ନାହାନ୍ତି। କିଏ ଶନିବାର ଦିନ ପ୍ରକାଶ ପାଇବାକୁ ଥିବା ପରୀକ୍ଷା ଫଳ ବାବଦରେ ବୁଝିବାକୁ ଆସିଥିଲା ତ ଆଉ କିଏ ପାଠ ବୁଝିବା ପାଇଁ କୋଚିଂ ସେଣ୍ଟର ଆସିଥିଲା। ଏହି ଦୁର୍ଘଟଣାରେ ଏଯାଏ ୨୨ ଜଣଙ୍କର ମୃତ୍ୟୁ ହୋଇଥିବା ଖବର ରହିଛି। ତେବେ କୋଚିଂ ସେଣ୍ଟରରେ ନିଆଁ ଲାଗିବାର କାରଣ କଣ ଥିଲା ଏବଂ ନିଆଁକୁ ହଠାତ୍ ଆୟତ୍ତ କରିବାରେ ଦମକଳ ବାହିନୀ କାହିଁକି ଫେଲ୍ ମାରିଥିଲା?
ଏହି ଦୁର୍ଘଟଣାରେ ଗୁଜରାଟ ସରକାର ଦେଇଥିବା ତଦନ୍ତ ନିର୍ଦ୍ଦେଶ ଅନୁସାରେ ମୁଖ୍ୟ ଶାସନ ସଚିବ ଜେଏନ ସିଂହ କହିଛନ୍ତି, କୋଚିଂରେ ସେଣ୍ଟରେ ଛାତ୍ରଛାତ୍ରୀ ଟାୟରରେ ପ୍ରସ୍ତୁତ ଆସନ ଉପରେ ପାଠ ପଢ଼ୁଥିଲେ। ପାଠ ପଢ଼ାଯାଉଥିବା ଶ୍ରେଣୀ ଗୃହଟିର ଉଚ୍ଚତା ମାତ୍ର ୫ ଫୁଟ ରହିଥିବାରୁ ଛାତ୍ରୀଛାତ୍ରୀଙ୍କୁ ତଳେ ବସିବାକୁ ପଡ଼ୁଥିଲା। ଏଥିସହ ଶ୍ରେଣୀ ଗୃହ ଭିତରେ ଏବଂ ବାହାରେ ଅନେକ ଫ୍ଲେକ୍ସ ହୋର୍ଡିଂ ରହିଥିଲା। ଏହି ସବୁ ସାମଗ୍ରୀରେ ନିଆଁ ଶୀଘ୍ର ଲାଗିଥାଏ। ତେଣୁ ନିଆଁ ଲାଗିବା କ୍ଷଣି ହଠାତ୍ ଶ୍ରେଣୀ ଗୃହଟି ଜଳି ଉଠିଥିଲା।
ଏହି ଘଟଣାରେ କୋଚିଂ ସେଣ୍ଟରର ମାଲିକ ଭାର୍ଗଭ ବୁଟାନୀ ଏବଂ କୋଠାର ମାଲିକ ହର୍ଷଲ ଭେକରିଅ ଏବଂ ଜିଗ୍ନେଶ ପଘଦଲ ଗିରଫ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
