୧୯୯ ଟଙ୍କାର ରିଫଣ୍ଡ ପାଇଁ ହରାଇଲେ ୩୫ ହଜାର ଟଙ୍କା

ଅହମ୍ମଦାବାଦ: ସାଇବର ଫ୍ରଡର ଆଉ ଏକ ସାଂଘାତିକ ଘଟଣା ସାମ୍ନାକୁ ଆସିଛି। ଜଣେ ମହିଳା ଅନଲାଇନ୍‌ ଫ୍ରଡ୍‌ରେ ୩୫ ହଜାର ଟଙ୍କା ହରାଇଛନ୍ତି। ସେ ଏକ ଅର୍ଡର ନପାଇବାରୁ ରିଫଣ୍ଡ ପାଇଁ ଆବେଦନ କରିଥିଲେ। କିନ୍ତୁ ଏହା ତାଙ୍କୁ ମହଙ୍ଗା ପଡ଼ିଛି।

ରିଚା ଆମିନ ନାମକ ଏହି ମହିଳା ଟ୍ରାଭେଲ ବ୍ୟବସାୟ ଚଲାନ୍ତି ଏବଂ ତାଙ୍କ ସ୍ୱାମୀଙ୍କର ପୋଷାକ ବ୍ୟବସାୟ ରହିଛି। ଜୁଲାଇ ୧ ରେ ସେ ୧୯୯ ଟଙ୍କାର ପ୍ୟାଣ୍ଟ ମଗାଇଥିଲେ। ଜୁଲାଇ ୮ରେ ଏହା ନମିଳିବାରୁ ସାଇଟ୍‌କୁ ମେଲ କରିଥିଲେ। ପରେ କଷ୍ଟମର କେୟାର ଏବଂ ସୋଶାଲ ମିଡିଆରେ ଯୋଗାଯୋଗ କରିଥିଲେ।

ଏଥିରୁ ତାଙ୍କୁ ୱେବସାଇଟ୍ କଷ୍ଟମର ସଫୋର୍ଟ ନମ୍ବର ମିଳିଥିଲା। ସେପଟୁ ଉତ୍ତର ଆସିଥିଲା ଷ୍ଟକ୍‌ ସରିଯାଇଛି, ଏନି ଡେସ୍କ ଆପ୍‌ ଇନଷ୍ଟଲ କଲେ ରିଫଣ୍ଡ ହୋଇପାରିବ ବୋଲି କୁହାଯାଇଥିଲା। ଏହାପରେ ଠକ ଏହି ମହିଳାଙ୍କୁ ଡେବିଟ୍ କାର୍ଡ ନମ୍ବର ମାରିବାକୁ କହିଥିଲେ। ଡିଟେଲ୍ସ ଦେବାପରେ ୩୪,୯୦୭ ଟଙ୍କା ବ୍ୟାଙ୍କ ଆକାଉଣ୍ଟରୁ ଗୋଲ ହୋଇଯାଇଥିଲା। ଏଭଳି ଅନ୍ୟ ଏକ ଘଟଣାରେ ମୁମ୍ବାଇର ଜଣେ ଶିକ୍ଷକ ୧.୦୨ ଲକ୍ଷ ଟଙ୍କା ହରାଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।