ଅବହେଳିତ ଅବସ୍ଥାରେ ୧୧୫ ବର୍ଷର ସଂଗ୍ରହାଳୟ

<p>ବାରିପଦା(ମାଣିକଲାଲ ପାଣି): ଆଜି ଅନ୍ତର୍ଜାତୀୟ ସଂଗ୍ରହାଳୟ ଦିବସ। ହେଲେ ଅବହେଳିତ ଅବସ୍ଥାରେ ପଡ଼ି ରହିଛି ମୟୂରଭଞ୍ଜ ଜିଲ୍ଲା ବାରିପଦାର ସର୍ବପୁରାତନ ସଂଗ୍ରହାଳୟ। ୧୧୫ ବର୍ଷର ଏହି ସଂଗ୍ରହାଳୟକୁ ପୁନରୁଦ୍ଧାର କରି ଏହାର ରକ୍ଷଣାବେକ୍ଷଣ କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି।</p> <p>&lt;a href=&quot;&quot;&gt;(image) &lt;/a&gt;ବାରିପଦାର ସର୍ବପୁରାତନ ସଂଗ୍ରହାଳୟରେ ସପ୍ତମ ଶତାଦ୍ଦୀରୁ ୧୭ଶହ ଶତାଦ୍ଦୀ ମଧ୍ୟର ଅନେକ ମୂଲ୍ୟବାନ ସାମଗ୍ରୀ ରହିଛି। ଯେପରି ମାଟିପାତ୍ର, ପିତ୍ତଳ ପାତ୍ର, ଗରା, ହାଣ୍ଡି, ମାଠିଆ ସହ ରାଜା ମହାରାଜା ବ୍ୟବହାର କରୁଥିବା ଖଣ୍ଡା, ଢାଲ,ବସ୍ତ୍ର, ଟଙ୍କାପଇସା, ମୋହର, ଅଳଙ୍କାର, ତୋପ ଓ ଗୋଳାବାରୁଦ ଆଦି ରହିଛି ଏହି ମ୍ୟୁଜିୟମରେ। ଏହାସହ ମୟୂରଭଞ୍ଜର ବିଭିନ୍ନ ପ୍ରାନ୍ତରୁ ଉଦ୍ଧାର ହୋଇଥିବା ବିଭିନ୍ନ ଦେବାଦେବୀଙ୍କ ପଥର ପ୍ରତିମୂର୍ତ୍ତି ସହ ଶିବ, ଦୁର୍ଗା,ଗଣେଶ ଆଦି ପୁରାତନ ମୂର୍ତ୍ତି ଶୋଭା ପାଉଛି। ହେଲେ ୧୧୫ ବର୍ଷର ଏହି ପୁରାତନ ସଂଗ୍ରହାଳୟ ଏବେ ଅବହେଳିତ ଅବସ୍ଥାରେ ରହିଛି। ୧୨ ବର୍ଷ ଧରି ସଂଗ୍ରହାଳୟରେ କର୍ମଚାରୀଙ୍କ ଅଭାବ ଯୋଗୁ ଏହାର ରକ୍ଷଣାବେକ୍ଷଣ ହୋଇପାରୁନାହିଁ। ଯାହାକୁ ନେଇ ଯୁବପିଢ଼ି ମଧ୍ୟରେ ଅସନ୍ତୋଷ ପ୍ରକାଶ ପାଇଛି।&lt;a href=&quot;http://odishareporter.in/wp-content/uploads/2018/05/bari.jpg&quot;&gt;(image) &lt;/a&gt;</p> <p>&amp;nbsp;</p> <p>୧୯୦୩ ମସିହାରେ ବାରିପଦାରେ ମହାରାଜା ଶ୍ରୀରାମଚନ୍ଦ୍ର ଭଂଜଦେଓ ଏହି ମ୍ୟୁଜିୟମ ପ୍ରତିଷ୍ଠା କରିଥିଲେ। ଏବେ ଏହାର ନୂତନ କୋଠା ସଂସ୍କୃତି ଭବନ ପରିସରରେ ରହିଛି। ଓଡ଼ିଶାର ଏହି ସର୍ବପୁରାତନ ସଂଗ୍ରହାଳୟର ସ୍ଥିତି ସଂପର୍କରେ ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରାଯିବାରୁ ମୟୂରଭଞ୍ଜ ଏଡିଏମ୍ &nbsp;ଗଙ୍ଗାଧର ନାୟକ କହିଛନ୍ତି ଯେ ଖୁବଶୀଘ୍ର ଏହି ସଂଗ୍ରହାଳୟର ଉନ୍ନତିକରଣ କରାଯିବ।</p> <p>https://www.youtube.com/watch?v=Y7x547tjHRI</p>