ପୁଣି ତେଜିଲା ଡାକ୍ତର ପଦବୀ ପୂରଣ ଦାବି: ୧୨ ଘଣ୍ଟିଆ ବିନିକା ବନ୍ଦ

<p>ସୁବର୍ଣ୍ଣପୁର(ଓଡ଼ିଶା ରିପୋର୍ଟର): ଡାକ୍ତର ପଦବୀ ପୂରଣ ପାଇଁ ଆଜି ବିନିକାରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି। ଫଳରେ ସ୍କୁଲ ଓ କଲେଜକୁ&nbsp; ଛାଡ଼ି ସମସ୍ତ ଦୋକାନ ବଜାର ବନ୍ଦ ରହିଛି। ଗାଡ଼ି ଚଳାଚଳ ମଧ୍ୟ ବନ୍ଦ ରହିଛି। ଏଥିସହ ଅନିର୍ଦ୍ଦିଷ୍ଟ କାଳ ପାଇଁ ସମସ୍ତ ସରକାରୀ କାର୍ଯ୍ୟାଳୟ ବନ୍ଦ କରାଯାଇଛି।</p> <p>ବିନିକା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ସହ ଶଙ୍କରା,ମହାଦେବପାଲି ଏବଂ ବାଙ୍କିଘିଡ଼ି ପ୍ରାଥମିକ ଚିକିତ୍ସାଳୟରେ ବର୍ଷ ବର୍ଷ ଧରି ଡାକ୍ତରଙ୍କ ଅଭାବ ଯୋଗୁ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି।</p> <p>ଏହି ସମସ୍ୟାକୁ ନେଇ ଗତ ୨୧ ତାରିଖରେ ୧୨ ଘଣ୍ଟିଆ ବିନିକା ବନ୍ଦ ଡାକରା ଦିଆଯାଇଥିଲା। ହେଲେ କିଛି ସୁଫଳ ମିଳି ନଥିଲା। ତେଣୁ ଆଜି ବିନିକା ଜନସାଧାରଣଙ୍କ ପକ୍ଷରୁ ପୁଣି ଥରେ ବନ୍ଦ ଡାକରା ଦିଆଯାଇଛି।</p> <p>ଅନ୍ୟପକ୍ଷରେ ସମାନ ଦାବିକୁ ନେଇ ବିନିକା ସାମ୍ୱାଦିକ ସଂଘ ୧୯ ଦିନ ହେଲା ଧାରଣାରେ ବସିଛି।</p> <p>ଏ ସମସ୍ୟାର ସମାଧାନ ନହେଲେ ଆନ୍ଦୋଳନ ଆହୁରି ଭୟାବହ ହେବ ବୋଲି ବିନିକାର ଜନସାଧାରଣ କହିଛନ୍ତି।</p> <p>&amp;nbsp;</p>