ବନ୍ୟାରେ କେରଳ ବେହାଲ, ଫସି ରହିଛନ୍ତି ୧୪୦ ଓଡ଼ିଆ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): କେରଳ ସାଂଘାତିକ ବନ୍ୟା ହୋଇଛି। ଏଥିରେ ୩୨୪ ଜଣ ଲୋକଙ୍କ ମୃତ୍ୟୁ ଘଟିଛି।</p> <p>ଏହି ବନ୍ୟାରେ ଅନେକ ଓଡ଼ିଆ ଫସି ରହିଛନ୍ତି। ସେଠାକୁ କାମ କରିବାକୁ ଯାଇଥିବା ୧୪୦ ଜଣ ଓଡ଼ିଆ ଶ୍ରମିକ ମୁନ୍ନାର ଅଞ୍ଚଳରେ ଫସି ରହିଛନ୍ତି ବୋଲି ଓଡ଼ିଶାର ସ୍ୱତନ୍ତ୍ର ରିଲିଫ କମିଶନର୍ ବିଷ୍ଣୁପଦ ସେଠୀ ସୂଚନା ଦେଇଛନ୍ତି।</p> <p>ସେ କହିଛନ୍ତି,&ldquo;ସେମାନଙ୍କୁ ଉଦ୍ଧାର କରିବା ଲାଗି ଏନ୍&zwnj;ଡିଏମ୍&zwnj;ଏ ସହିତ ଯୋଗାଯୋଗ ଚାଲିଛି।&rdquo;</p> <p>ବନ୍ୟାରେ ଫସି ରହିଥିବା ଶ୍ରମିକମାନଙ୍କୁ ଉଦ୍ଧାର ପାଇଁ ଏକ ସ୍ୱତନ୍ତ୍ର ଟିମ୍ ପଠା ଯାଇଛି ବୋଲି ଶ୍ରମମନ୍ତ୍ରୀ ସୁଶାନ୍ତ ସିଂ କହିଛନ୍ତି।</p> <p>କେରଳ ବନ୍ୟାରେ ଫସି ରହିଥିବା ଓଡ଼ିଆଙ୍କ ପାଇଁ ହେଲ୍&zwnj;ପ୍&zwnj; ଲାଇନ ନମ୍ବର ଜାରି କରିଛି ଓଡ଼ିଶା ବିପର୍ଯ୍ୟୟ ପ୍ରଶମନ ବିଭାଗ। ଏହି ଟୋଲ୍ ଫ୍ରି ହେଲ୍&zwnj;ପ ଲାଇନ୍ ନମ୍ବର ହେଉଛି ୧୦୭୦ ଏବଂ ଦେୟଯୁକ୍ତ ନମ୍ବର ହେଉଛି ୦୬୭୪- ୨୫୩୪୧୭୭।</p> <p>ବନ୍ୟାରେ ଫସିଥିବା ଲୋକଙ୍କ ସଂପର୍କୀୟମାନେ ଏହି ନମ୍ବରରେ ଯୋଗାଯୋଗ କରିପାରିବେ।</p> <p>-</p>