ଭୁବନେଶ୍ୱର: ଝାଡ଼ଖଣ୍ଡ ଓ ପଶ୍ଚିମବଙ୍ଗ ଦେଇ ଯାଇଥିବା ମନସୁନ୍ ଟ୍ରଫ୍ ଲାଇନ୍ ଯୋଗୁ ଆସନ୍ତା ୨୪ରୁ ୪୮ ଘଣ୍ଟା ମଧ୍ୟରେ ଆଭ୍ୟନ୍ତରୀଣ ଏବଂ ଉପକୂଳ ଓଡ଼ିଶାରେ ବର୍ଷା ହେବ। ଏହି ପୂର୍ବାନୁମାନ କରିଛି ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ। ଏହି ସମୟରେ ଆଭ୍ୟନ୍ତରୀଣ ଓଡ଼ିଶାର କେତେକ ସ୍ଥାନରେ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ କହିଛି। ମଡେ଼ଲ୍ ଅନୁଯାୟୀ ଆସନ୍ତା ୨୪ ତାରିଖ ପରେ ରାଜ୍ୟରେ ବର୍ଷାର ପ୍ରଭାବ ବଢ଼ିବାର ପୂର୍ବାନୁମାନ କରାଯାଉଛି। ବର୍ତ୍ତମାନ ସୁଦ୍ଧା ରାଜ୍ୟର ୭ଟି ଜିଲ୍ଲାରେ ସ୍ୱାଭାବିକ ଠାରୁ କମ୍ ମୌସୁମୀ ବର୍ଷା ହୋଇଛି। ଜଗତସିଂହପୁର ଜିଲ୍ଲାରେ ସବୁଠାରୁ କମ୍ ଓ ମାଲକାନଗିରି ଜିଲାରେ ସବୁଠାରୁ ଅଧିକ ବର୍ଷା ହୋଇଛି। ଗତକାଲି ମୟୂରଭଞ୍ଜର ବେତନଟୀଠାରେ ସର୍ବାଧିକ ୧୫୧ମିଲିମିଟର ବର୍ଷା ହୋଇଥିବା ରେକର୍ଡ କରିଛି ପାଣିପାଗ ବିଭାଗ। ତେବେ ଏଲ୍-ନିନୋର ପ୍ରଭାବରେ ଚଳିତ ମାସରେ ବର୍ତ୍ତମାନ ସୁଦ୍ଧା ଯେଭଳି ଭାବେ ବର୍ଷା ହେବା କଥା ହୋଇନାହିଁ। ପରିଣାମ ସ୍ୱରୂପ ବର୍ତ୍ତମାନ ପର୍ଯ୍ୟନ୍ତ ରାଜ୍ୟରେ ୫ ପ୍ରତିଶତ କମ୍ ବର୍ଷା ହୋଇଛି। ଜୁଲାଇ ୨୦ ସୁଦ୍ଧା ୪୨୬ ମିଲିମିଟର ମୌସୁମୀ ବର୍ଷା ହେବା ବଦଳରେ ହୋଇଛି ୪୦୫ ମିଲିମିଟର ବର୍ଷା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
