ଭୁବନେଶ୍ୱର: ଭୁବନେଶ୍ୱର ଦେବରାୟ କଲେଜରେ ଅଣଛାତ୍ରଙ୍କ ଗୁଣ୍ଡାରାଜ। ଯୁକ୍ତ ତିନିର ଜଣେ ଛାତ୍ରୀଙ୍କୁ କମେଣ୍ଟ ମରାକୁ କେନ୍ଦ୍ରକରି କଲେଜ ଭିତରେ ତୁମୁଳ କାଣ୍ଡ ଘଟିଛି। ସିସିଟିଭିରେ କଏଦ ହୋଇଛି ପୂରା ଘଟଣା। ଯୁକ୍ତତିନିର ପ୍ରଥମ ବର୍ଷର ଛାତ୍ର ଅଣାଛାତ୍ରଙ୍କୁ କଲେଜ ଭିତରକୁ ଆଣି ଯୁକ୍ତ ତିନି ଶେଷ ବର୍ଷର ଛାତ୍ରଙ୍କ ସହ ଗଣ୍ଡଗୋଳ କରିଥିବା ଅଭିଯୋଗ ହୋଇଛି। ଫଳରେ ତିନିଜଣ ଛାତ୍ର ଆହତ ହୋଇ କ୍ୟାପିଟାଲ ହସସ୍ପିଟାଲରେ ଚିକିତ୍ସିତ ହୋଇଛନ୍ତି।
ସୂଚନା ଅନୁସାରେ ଗତ ଦୁଇଦିନ ତଳେ ଯୁକ୍ତ ତିନି ଫାଇନାଲ ଇଅରରେ ପଢୁଥିବା ଜଣେ ଛାତ୍ରଙ୍କ ଉଭଣୀଙ୍କୁ କମେଣ୍ଟ ମରାଯାଇଥିବା ଅଭିଯୋଗ ହୋଇଥିଲା। ଏହାକୁ ନେଇ ନୟାପଲ୍ଲୀ ଥାନାରେ ଏତଲା ମଧ୍ୟ ହୋଇଥିଲା। ତେବେ ଆଜି ଅଭିଯୋଗ କରିଥିବା ଛାତ୍ରଙ୍କୁ ମାଡ ମରାଯାଇଥିବା ବେଳେ କଲେଜ ପରିସର ଲଙ୍କାକାଣ୍ଡ ପରିସ୍ଥିତି ଉପୁଜିଥିଲା।