ସେତୁ କାମ କରୁଥିଲେ ୩ ଶ୍ରମିକ, ହଠାତ୍‌ ମାଡ଼ି ଆସିଲା ପାଣି

କାମାକ୍ଷାନଗର(ବିଦ୍ୟାଧର ବରାଳ): ଏକ ସେତୁ କାମରେ ନିୟୋଜିତ ଥିଲେ ୩ ଶ୍ରମିକ। ତେବେ ଦେଖୁ ଦେଖୁ ହଠାତ୍‌ ମାଡ଼ି ଆସିଲା ବନ୍ୟା ପାଣି। ଚାରି ପଟ ଜଳମଗ୍ନ ହୋଇଗଲା। ଏହା ଦେଖି ଭୟଭୀତ ହୋଇ ଉକ୍ତ ଶ୍ରମିକମାନେ ପାଖରେ ଥିବା ଏକ କ୍ରେନ୍‌ ଉପରକୁ ଚଢ଼ିଗଲେ। ମାତ୍ର ତାହା ମଧ୍ୟ କ୍ରମଶଃ ପାଣିରେ ବୁଡ଼ିବାକୁ ଲାଗିଲା। ମୃତ୍ୟୁକୁ ପାଖରୁ ଦେଖି ଏହି ଶ୍ରମିକମାନେ ଭୟଭୀତ ହୋଇ ପଡ଼ିଥିବା ବେଳେ ଦେବଦୂତ ସାଜି ସେଠାରେ ପହଞ୍ଚିଲେ ଅଗ୍ନିଶମ ବାହିନୀ କର୍ମଚାରୀ। ଆଉ ସେମାନେ ତତ୍‌କ୍ଷଣାତ ଉକ୍ତ ୩ ଶ୍ରମିକଙ୍କୁ ପାଣି ଘେରରୁ ଉଦ୍ଧାର କରି ସୁରକ୍ଷିତ ସ୍ଥାନକୁ ନେଇଥିବା ଜଣାଯାଇଛି। ଏପରି ଘଟଣା ଘଟି ଯାଇଛି ଢେଙ୍କାନାଳ ଜିଲ୍ଲା ଭୁବନ ବ୍ଲକ ବାଲିବୋ ପଞ୍ଚାୟତରେ।

ବାଲିବୋ ପଞ୍ଚାୟତ ଅଧୀନ ଦଧିସିଙ୍ଗା ଗାଁ ନିକଟ ପାଣ୍ଡରା ନାଳରେ ନିର୍ମାଣଧୀନ ସେତୁ କାମରେ ଏକ ଘରୋଇ ନିର୍ମାଣ ସଂସ୍ଥାର ୩ ଶ୍ରମିକ ନିୟୋଜିତ ଥିଲେ। ତେବେ ବର୍ଷା ବଢ଼ିବା ପରେ ଜଳସ୍ତର ବି ବଢ଼ି ଯାଇଥିଲା । ଫଳରେ ଏହି ଶ୍ରମିକମାନେ ବନ୍ୟା ପାଣିରେ ଫସି ରହିଥିଲେ।  ପାଣି ବଢ଼ିବା ଦେଖି ପାଖରେ ଥିବା କ୍ରେନ ଉପରକୁ ସେମାନେ ଚଢ଼ି ଯାଇଥିବା ବେଳେ  ତାହା ମଧ୍ୟ ବୁଡ଼ିବା ଅବସ୍ଥାକୁ ଚାଲିଗଲା। ଏହା ଦେଖି ଶ୍ରମିକମାନେ ଛାନିଆ ହୋଇ ଯାଇଥିବା ବେଳେ ଅଗ୍ନିଶମ ବାହିନୀ ସେଠାରେ ପହଞ୍ଚି ସେମାନଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ନେଇଥିଲା।

ସୂଚନାଯୋଗ୍ୟ,  ଲଗାଣ ବର୍ଷାରେ ବେହାଲ ହୋଇପଡ଼ିଛି ଢେଙ୍କାନାଳ ଜିଲ୍ଲା । ଭୁବନ ବ୍ଳକରେ ଏବେ ବନ୍ୟା ପରିସ୍ଥିତି ସୃଷ୍ଟି ହୋଇ ବହୁ ଅଞ୍ଚଳ ଜଳମଗ୍ନ ହୋଇ ପଡ଼ିଛି।

ଆହୁରି ପଢ଼ନ୍ତୁ

ରାଜ୍ୟରେ କରୋନାରେ ଆଖି ବୁଜିଲେ ୧୭ ଆକ୍ରାନ୍ତ, ୮୫୦ ପାର୍‌ କଲା ସଂଖ୍ୟା

ଆଜିଠୁ ଖୋଲିଲା ଭିତରକନିକା

ଆଜି ୫ଟି ଜିଲ୍ଲାରେ ଅତି ପ୍ରବଳ ବର୍ଷିବ

ବାଲେଶ୍ୱର ଶଟଡାଉନ୍‌ ନିଷ୍ପତ୍ତିକୁ ବିରୋଧ; ୨ ସଂଘ ମୁହାଁମୁହିଁ

ନ୍ୟାସନାଲ ବାମ୍ୱୋ ମିଶନରେ ଓଡ଼ିଶାକୁ ୩ ବର୍ଷରେ ମିଳିଛି ୬.୭୭ କୋଟି

ଅନଲକ-୫: ଏଣିକି ସାଧାରଣ ସମାବେଶରେ ୧୦୦ ଲୋକଙ୍କୁ ଅନୁମତି

କୋଭିଡ୍ ହସ୍ପିଟାଲ: କିଏ ସତ- ମୁଖ୍ୟମନ୍ତ୍ରୀ ନା ସ୍ୱାସ୍ଥ୍ୟମନ୍ତ୍ରୀ?

କରୋନା ପରିଚାଳନାରେ ଅବ୍ୟବସ୍ଥା ନେଇ ବର୍ଷିଲେ ବିରୋଧୀ

ଅକ୍ଟୋବରରେ ବି ଶନିବାର ବନ୍ଦ ରହିବ ସବୁ ସରକାରୀ ଅଫିସ୍

ଦୁର୍ଗା ମୂର୍ତ୍ତି ଉଚ୍ଚତା କେତେ ହେବ? ଅକ୍ଟୋବର ୯କୁ ଘୁଞ୍ଚିଲା ଶୁଣାଣି

ଉପନିର୍ବାଚନ ପାଇଁ କମିଟି ଗଢ଼ିଲା ବିଜେପି

କଳାହାଣ୍ଡିକୁ କେବେ ମିଳିବ ‘ଇନ୍ଦ୍ରାବତୀ’ର ବିଜୁଳି ?