ବାଲେଶ୍ୱର( ଓଡ଼ିଶା ରିପୋର୍ଟର ) : ୨୪ ଘଣ୍ଟାରୁ ଊର୍ଦ୍ଦ୍ୱ ସମୟ ବିତିଲାଣି। ବାପାମା’ଙ୍କ ମନରେ ଛନକା ପଶିଲାଣି। କାଲିଠୁ ସ୍କୁଲ ଯାଇ ଘରକୁ ଫେରି ନାହାନ୍ତି ୩ ଛାତ୍ର। ସେମାନେ ହେଲେ ବାଲେଶ୍ୱର ରେମୁଣା ଥାନା ଅନ୍ତର୍ଗତ କାଠ ସଂଗଡା ଗାଁର ଶିବ ନାରାୟଣ ଦାସ, ଚିନ୍ମୟ ଦାସ ଓ ଶୁଭଙ୍କର ଦାସ । ଗତକାଲି ଶନିବାର ଥିବାରୁ ସେମାନେ ସକାଳେ ଘରୁ ବାହାରି ସ୍କୁଲ ଯାଇଥିଲେ। ହେଲେ ଅପରାହ୍ନ ପର୍ଯ୍ୟନ୍ତ ଘରକୁ ନଫେରିବାରୁ ବ୍ୟସ୍ତ ହୋଇ ଘର ଲୋକ ଖୋଜାଖୋଜି ଆରମ୍ଭ କରିଥିଲେ।
ସେମାନେ ସ୍କୁଲ ଯାଇଥିଲେ ବି ସେଠାରେ ପିଲାଙ୍କ ପତ୍ତା ପାଇ ପାରି ନ ଥିଲେ। ପରେ ପରିବାର ଲୋକ ଓ ଗ୍ରାମବାସୀ ରେମୁଣା ତଥା ଆଖପାଖ ଅଞ୍ଚଳରେ ଖୋଜାଖୋଜି କରିବା ପରେ ନିରାଶ ହୋଇ ଥାନାରେ ଅଭିଯୋଗ କରିଥିଲେ। ଆଜି ପର୍ଯ୍ୟନ୍ତ ତିନି ଜଣଯାକ ଛାତ୍ର ଘରକୁ ଫେରି ନାହାନ୍ତି। ସମସ୍ତେ ରେମୁଣା ଉଡ଼ମ୍ବର ହାଇସ୍କୁଲରେ ଅଷ୍ଟମ ଶ୍ରେଣୀରେ ପାଠ ପଢନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
