ବିବାହ ଉତ୍ସବରେ ଯୋଗ ଦେଇ ଫେରୁଥିଲେ, ଘରେ ପହଞ୍ଚି ପାରିଲେନି

<p>ଆନନ୍ଦପୁର( ମୁନ୍ନା ସିଂ): ନିମିଷକ ମଧ୍ୟରେ ଉଭେଇ ଗଲା ବିବାହ ଉତ୍ସବର ସୁଖ। ବିବାହ ଭୋଜି ଖାଇ ଫେରିବାର ମାତ୍ର କେଇ ଘଣ୍ଟା ପରେ ମିଳିଲା ଦୁଃଖଦ ଖବର। ଏହି ଦୁଃଖଦ ଘଟଣା ଘଟିଛି କେନ୍ଦୁଝର ଜିଲ୍ଲା କରଞ୍ଜିଆ-ଆନନ୍ଦପୁର ରାସ୍ତାର ବାଙ୍ଖିଡ଼ି ନିକଟରେ। ଆଜି ସକାଳେ ଏକ କାର୍&zwnj; ଗଛରେ ପିଟି ହେବାରୁ ୪ ଜଣଙ୍କ ମୃତ୍ୟୁ ଘଟିଛି।</p> <p>ସୂଚନା ଅନୁସାରେ, ଆନନ୍ଦପୁର ସାଇଁକୁଳ ଅଞ୍ଚଳର ବୈକୁଣ୍ଠ ପଣ୍ଡାଙ୍କ ପରିବାର ଠାକୁରମୁଣ୍ଡା ଖୁଣ୍ଟାପଶି ଗାଁରୁ ଏକ ବିବାହ ଉତ୍ସବରେ ଯୋଗ ଦେଇ ଫେରୁଥିଲେ। ତେବେ ଆଜି ସକାଳେ ପ୍ରାୟ ସାଢ଼େ ୬ଟା ସମୟରେ କାର୍&zwnj;ଟି ବାଙ୍ଖିଡ଼ି ଛକ ନିକଟରେ ଏକ ଗଛରେ ପିଟି ହୋଇ ଯାଇଥିଲା। ଫଳରେ ଘଟଣାସ୍ଥଳରେ ହିଁ ୩ ଜଣଙ୍କ ମୃତ୍ୟୁ ହୋଇଥିଲା। ସେମାନେ ହେଲେ&nbsp; ବୈକୁଣ୍ଠ ପଣ୍ଡା, ଲକ୍ଷ୍ମପ୍ରିୟା ପଣ୍ଡା ଓ ମନୋରମା ତ୍ରିପାଠୀ। ହେଲେ ଗୁରୁତର ଅବସ୍ଥାରେ ଆନନ୍ଦପୁର ଡାକ୍ତରଖାନାକୁ ସ୍ଥାନାନ୍ତର କରାଯାଉଥିବା ବେଳେ&nbsp; ଚିନା ପଣ୍ଡାଙ୍କ ମୃତ୍ୟୁ ଘଟିଥିଲା।</p> <p>ତେବେ ଏହି ଦୁର୍ଘଟଣାରେ&nbsp; ଗୁରୁତର ଆହତ ହୋଇଥିବା&nbsp; ଗଣେଶ୍ୱର, ମାନସୀ ଓ ରଘୁନାଥଙ୍କୁ କଟକ ବଡ଼ ଡାକ୍ତରଖାନାକୁ&nbsp; ସ୍ଥାନାନ୍ତର କରାଯାଇଛି। ଦୁର୍ଘଟଣାସ୍ଥଳରେ ଆନନ୍ଦପୁର ଦମକଳ ବାହିନୀ ଓ ୧୦୮ ଆମ୍ୱୁଲାନ୍ସ &nbsp;କର୍ମଚାରୀ ପହଞ୍ଚି ଦୁର୍ଘଟଣାଗ୍ରସ୍ତ କାର୍&zwnj;ରୁ ମୃତ ଓ ଆହତଙ୍କୁ ଉଦ୍ଧାର କରିଥିଲେ।</p>