ଗୋଟିଏ ଜାଗାରେ ମାଳ ଦିଆନିଆ ହେଲେ ୫୦ ନବ ଦମ୍ପତି, ଦେଖନ୍ତୁ ଭିଡିଓ

<p>ଭୁବନେଶ୍ୱର:(ଓଡ଼ିଶା ରିପୋର୍ଟର): ମଥାରେ ସିନ୍ଦୁର। &nbsp;ହାତରେ ଶଙ୍ଖା। &nbsp;ହୋମ ନିଆଁ ସାଙ୍ଗକୁ। &nbsp;ପଣ୍ଡିତଙ୍କ ମନ୍ତ୍ରଧ୍ୱନୀ।&nbsp; ପାରମ୍ପରିକ ରୀତିନୀତିରେ ଚାଲିଥିଲା ବିବାହ ଉତ୍ସବ। &nbsp;ବିବାହ ବନ୍ଧନରେ ଆବଦ୍ଧ ହୋଇଛନ୍ତି ୫୦ ନବ ଦମ୍ପତି। ଏମିତି ଦେଖିବାକୁ ମିଳିଛି ଭୁବନେଶ୍ୱର ରାମମନ୍ଦିରରେ। &nbsp;ପ୍ରୟାସ ଅନୁଷ୍ଠାନ ପକ୍ଷରୁ ଏଭଳି ସାମୁହିକ ବିବାହ ଉତ୍ସବର ଆୟୋଜନ କରାଯାଇଥିଲା। ହିନ୍ଦୁ ରିତିନୀତିରେ ହୋଇଛି ବିବାହ ସମ୍ପର୍ଣ୍ଣ । ଗୋଟିଏ କି ଦୁଇଟି ନୁହେଁ ୨୫ଟି ବେଦୀରେ ବସିଥିଲେ ୨୫ ଯୋଡା ନବଦମ୍ପତି। &nbsp;&nbsp;ପରସ୍ପରକୁ ଫୁଲ ମାଳ ପିନ୍ଧାଇ ସାତ ଜନ୍ମକୁ ସାକ୍ଷୀରଖି ବିବାହ ବନ୍ଧନରେ ବାନ୍ଧି ହୋଇଛନ୍ତି ଦମ୍ପତି।&nbsp; ଡିଜେ ସାଉଣ୍ଡ ସହ ଗୋଟିକ ପରେ ଗୋଟିଏ ବରଗାଡି&nbsp; ଗୋଲାପ ଫୁଲରେ ସଜା ହୋଇଥିଲା ଗାଡ଼ି। ବର&nbsp; ପହଞ୍ଚିବା ପରେ ବରଯାତ୍ରୀ ପହଞ୍ଚିବା ପରେ କନ୍ୟା ଘର ତରଫରୁ ସ୍ୱାଗତ &nbsp;ସମ୍ବର୍ଦ୍ଧନା ଦିଆଯାଇଥିଲା। ଏହାପରେ ଆରମ୍ଭ ହୋଇଥିଲା ଗଣ ବିବାହ। &nbsp;&nbsp;ଅର୍ଥ ଅଭାବ ହେଉ ଅବା ଅନ୍ୟ କୌଣସି ସମସ୍ୟା ହେଉ ଯେଉଁମାନଙ୍କର ବିବାହ ହୋଇ ପରୁ ନଥିଲା ସେମାନଙ୍କୁ ହାତ ବଢାଇଥିଲା&nbsp; ପ୍ରୟାସ। ଏଥିସହ ଯୌତୁକ ପ୍ରଥାକୁ ବିରୋଧ କରି ଏହି ବିବାହର ଆୟୋଜନ କରାଯାଇଥିବା କହିଛନ୍ତି ଆୟୋଜକ।</p>