ରାଉରକେଲା (ସତ୍ୟାନନ୍ଦ ମହାନ୍ତି): ରାଉରକେଲାରେ ରବିବାର ଘଟିଥିବା ୪ଟି ପୃଥକ୍ ଦୁର୍ଘଟଣାରେ ୭ ଜଣ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି।
ରାଉରକେଲା STI ଫ୍ଲାଇ ଓଭରରେ ଅଟୋ ଏବଂ ସ୍କୁଟି ମଧ୍ୟରେ ଦୁର୍ଘଟଣା ହୋଇ ୩ ଜଣ ଆହତ ହୋଇଛନ୍ତି । ଏହି ଦୁର୍ଘଟଣାରେ ଗାନ୍ଧୀ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ଅଭୟ କୁମାର ପ୍ରଧାନ ଏବଂ ତାଙ୍କ ପତ୍ନୀ ଆହତ ହୋଇଥିବା ବେଳେ ଉଭୟଙ୍କୁ ଆଇଜିଏଚ୍ରେ ଭର୍ତ୍ତି କରାଯାଇଛି ।
ଅନ୍ୟ ଏକ ଘଟଣାରେ ୧୫ ନମ୍ବର ସେକ୍ଟର ଛକରେ ଦୁଇଟି ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହେବା ଯୋଗୁଁ ୨ ଜଣ ଆହତ ହୋଇ ଆଇଜିଏଚ୍ରେ ଚିକିତ୍ସିତ ହେଉଛନ୍ତି। ସେହିପରି ବନ୍ଧମୁଣ୍ଡାରେ ବାଇକ୍ ଦୁର୍ଘଟଣାରେ ଜଣେ ଆହତ ହୋଇ ଆଇଜିଏଚ୍ରେ ଚିକିତ୍ସିତ ହେଉଛନ୍ତି । ବ୍ରାହ୍ମଣୀ ବ୍ରିଜ ନିକଟରେ ଆଉ ଏକ ଦୁର୍ଘଟଣାରେ ଜଣେ ଆହତ ହୋଇଛନ୍ତି ।