ରେଢ଼ାଖୋଲ (ରମାକାନ୍ତ ମହାନନ୍ଦ): ଭାଇ ନାଁରେ ଥାନାରେ ଅଭିଯୋଗ କରିବାକୁ ଯାଉଥିଲା ଭଉଣୀ। ହେଲେ ସେ ଥାନାରେ ପହଞ୍ଚି ପାରିଲେ ନାହିଁ। ଥାନା ଗେଟ୍ ସମ୍ମୁଖରେ ହିଁ ତାଙ୍କୁ ମାରି ଦେଲା ଭାଇ। ଏମିତି ଏକ ଘଟଣା ଘଟିଛି ସମ୍ବଲପୁର ଜିଲ୍ଲା ରେଢ଼ାଖୋଲ ଉପଖଣ୍ଡ କିସିଣ୍ଡା ଥାନାରେ।
ମୃତ ମହିଳାଙ୍କ ନାଁ କୁମାରୀ ମେହେର। ତାଙ୍କ ଘର ଲୁଇସିଂ ଗାଁରେ। କାକା ପୁଅ ଭାଇ କ୍ଷୀରୋଦ ରୋହିଦାସଙ୍କ ସହିତ ତାଙ୍କ ଝଗଡ଼ା ହୋଇଥିଲା। ଏହାକୁ ନେଇ ସେ କ୍ଷୀରୋଦଙ୍କ ବିରୋଧରେ ଅଭିଯୋଗ କରିବାକୁ କିସିଣ୍ଡା ଥାନାକୁ ଯାଉଥିଲେ। ତେବେ କ୍ଷୀରୋଦ ତାଙ୍କର ପିଛା କରିଥିଲେ। ସେ ଭଉଣୀ କୁମାରୀ ମେହେରଙ୍କୁ ଥାନା ଗେଟ୍ ସାମ୍ନାରେ ଟାଙ୍ଗିଆରେ ହାଣି ଦେଇଥିଲେ।
କୁମାରୀ ମେହେରଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ କ୍ଷୀରୋଦ ଫେରାର ହୋଇଯାଇଛନ୍ତି। ସେ ଟାଙ୍ଗିଆଟିକୁ ଘଟଣାସ୍ଥଳରେ ଛାଡ଼ି ଦେଇଛନ୍ତି। ଅଭିଯୁକ୍ତକୁ ଧରିବା ପାଇଁ ପ୍ରୟାସ ଚାଲିଛି ବୋଲି ରେଢ଼ାଖୋଲ ଏସ୍ଡିପିଓ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
