ଜମିରେ ପଡ଼ିଥିଲା ଝିଅର ଅର୍ଦ୍ଧଦଗ୍ଧ ମୃତଦେହ

<p>ପାଟକୁରା (ଓଡ଼ିଶା ରିପୋର୍ଟର): କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ କଂସାର କାଙ୍କଦିଆ ଗାଁରୁ ଜଣେ ଯୁବତୀଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର କରାଯାଇଛି। ତାଙ୍କ ନାଁ ରୁକ୍ମିଣୀ ସ୍ୱାଇଁ (୧୯)।</p> <p>ଆଜି ଭୋରରେ ଗାଁର ବ୍ରଜବନ୍ଧୁ ସ୍ୱାଇଁଙ୍କ ଝିଅ ରୁକ୍ମିଣୀଙ୍କ ମୃତଦେହ ତାଙ୍କ ଘର ପାଖ ଏକ ଚାଷ ଜମିରୁ ଉଦ୍ଧାର କରାଯାଇଥିଲା। ମୃତଦେହ ନିକଟରେ ଏକ କିରାସିନି ଜାର୍&zwnj; ପଡ଼ିଥିବା ଦେଖିବାକୁ ମିଳିଥିଲା।</p> <p>ରୁକ୍ମିଣୀ ଭୁବନେଶ୍ୱରରେ ଏକ ନର୍ସିଂ କଲେଜରେ ପଢ଼ୁଥିଲେ। ଗତକାଲି ସନ୍ଧ୍ୟାରେ ସେ ଭୁବନେଶ୍ୱରରୁ ଘରକୁ ଆସିଥିଲେ। ହେଲେ ତାଙ୍କ ବ୍ୟବହାର ସ୍ୱାଭାବିକ ନଥିଲା ବୋଲି&nbsp; ତାଙ୍କ ପରିବାର ଲୋକେ କହିଛନ୍ତି।</p> <p>ରାତିରେ ସେ ଖାଇ ସାରିବା ପରେ ଶୋଇବାକୁ ଯାଇଥିଲେ। ହେଲେ ଭୋର ସମୟରେ ଝିଅ ବିଛଣାରେ ନଥିବା ଦେଖି ପରିବାର ଲୋକେ ବିଭିନ୍ନ ଜାଗାରେ&nbsp; ଖୋଜାଖୋଜି କରିଥିଲେ। ଶେଷରେ ଘର ଠାରୁ ମାତ୍ର ଶହେ ମିଟର&nbsp; ଦୂରରେ ଏକ ଚାଷ ଜମି ନିକଟରେ&nbsp; ତାଙ୍କର ମୃତଦେହ ପଡ଼ିଥିବା ଦେଖିବାକୁ ମିଳିଥିଲା।</p> <p>ଏହା ହତ୍ୟା ନା ଆତ୍ମହତ୍ୟା ଜଣାପଡ଼ି ନାହିଁ।&nbsp; ପୁଲିସ୍ ଶବ ଜବତ କରି ତଦନ୍ତ ଆରମ୍ଭ କରିଛି।</p>