କମେଣ୍ଟ ଓ ଅସଦାଚରଣ ଯୋଗୁଁ ଜୀବନ ହାରିଲେ ଛାତ୍ରୀ

<p>ବାଲୁଗାଁ (ଶକ୍ତି ପ୍ରସାଦ ମହାପାତ୍ର): କମେଣ୍ଟ ମରା ଓ ଅଶ୍ଳୀଳ ବ୍ୟବହାରରେ ଚିନ୍ତାଗ୍ରସ୍ତ ହୋଇ ଜଣେ ଯୁକ୍ତ ୩ ଛାତ୍ରୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି।&nbsp; ଖୋର୍ଦ୍ଧା ଜିଲ୍ଲା ବାଲୁଗାଁ ଥାନାରେ ମୃତ ଛାତ୍ରୀଙ୍କ ପରିବାର ପକ୍ଷରୁ ଏନେଇ ଅଭିଯୋଗ କରାଯାଇଛି।</p> <p>ଅଭିଯୋଗ ଅନୁସାରେ ବଡ଼କୂଳ ଅଞ୍ଚଳରେ ରହୁଥିବା ସମ୍ପୃକ୍ତ ଛାତ୍ରୀ ଓ ଅଭିଯୁକ୍ତ ପଡ଼ୋଶୀ ପ୍ରକାଶ ଦଳେଇଙ୍କ ମଧ୍ୟରେ ଗତମାସରେ ବାଲୁଗାଁ ବଜାରରେ ଗଣ୍ଡଗୋଳ ହୋଇଥିଲା।&nbsp; ଘଟଣାରେ ପୋଲିସ ପ୍ରକାଶଙ୍କୁ ଗିରଫ କରି କୋର୍ଟ ଚାଲାଣ କରିଥିଲା।&nbsp; ତେବେ ଦଶ ଦିନ ତଳେ ପ୍ରକାଶ କୋର୍ଟରୁ ଖଲାସ ହୋଇ ଆସିବା ପରେ ଉକ୍ତ ଛାତ୍ରୀଙ୍କୁ କମେଣ୍ଟ ମାରିବା ସହ ଅସଦାଚରଣ କରିଥିଲେ।&nbsp; ଏଥିରେ ଚିନ୍ତାଗ୍ରସ୍ତ ହୋଇ ଛାତ୍ରୀ ଜଣକ ବିଷ ପିଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି।&nbsp; ବ୍ରହ୍ମପୁର ମେଡିକାଲ୍&zwnj;ରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।</p> <p>ପୋଲିସ୍ ଘଟଣାର ତଦନ୍ତ କରୁଛି।</p>