ପ୍ରଧାନମନ୍ତ୍ରୀ ଦେଶବାସୀଙ୍କୁ ପ୍ରତ୍ୟେକ ଦିନ ମିଛ କହୁଛନ୍ତି: ପ୍ରକାଶ ରାଜ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ପ୍ରତ୍ୟେକ ଦିନ ମିଛ କହୁଛନ୍ତି। ସେ ଦେଶବାସୀଙ୍କ ସମ୍ମୁଖରେ ଅଭିନୟ କରୁଛନ୍ତି। ପ୍ରକୃତରେ ଆମ ଦେଶ ସମ୍ୱିଧାନ ଦ୍ୱାରା ହିଁ ପରିଚାଳିତ ହେବ। କୌଣସି ବାଇବେଲ୍&zwnj;, କୋରାନ, ଗୀତା କି ବେଦ ଦ୍ୱାରା ଦେଶ ପରିଚାଳିତ ହୋଇପାରିବ ନାହିଁ। ଏପରି ବୟାନ ଦେଇଛନ୍ତି ଫିଲ୍ମ ଅଭିନେତା ପ୍ରକାଶ ରାଜ।</p> <p>ଆଜି ଓଡ଼ିଶା ଜନ ଚେତନା ମଞ୍ଚ ତରଫରୁ ଭୁବନେଶ୍ୱର ଉତ୍କଳ ମଣ୍ଡପଠାରେ &lsquo;ସମ୍ୱିଧାନ ବଞ୍ଚାଅ, ଦେଶ ବଞ୍ଚାଅ&rsquo; ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ଏଥିରେ ଯୋଗଦେଇଥିଲେ ବଲିଉଡ୍&zwnj;ର ଓ ଟଲିଉଡ୍&zwnj;ର ପ୍ରତିଷ୍ଠିତ ଅଭିନେତା ପ୍ରକାଶ ରାଜ। ଜନଚେତନା ମଞ୍ଚକୁ ନିମନ୍ତ୍ରଣ କରାଯାଇଥିବାରୁ ସେ ପ୍ରଥମେ ଓଡ଼ିଶା ବାସୀଙ୍କୁ ଧନ୍ୟବାଦ ଜଣାଇଥିଲେ।</p> <p>ସେ କହିଛନ୍ତି-&ldquo;ଜଣେ ନାଗରିକ ଭାବେ ମୁଁ ଏଠାକୁ ଆସିଛି, ଅଭିନେତା ଭାବେ ନୁହେଁ। ଆଜିର ଦିନରେ ବାବ୍ରୀ ମସ୍&zwnj;ଜିଦ୍&zwnj; ଭଙ୍ଗା ଯାଇଥିଲା। ସମ୍ୱିଧାନର ରୂପକାର ଡକ୍ଟର ବାବା ସାହେବ ଆମ୍ୱେଦକରଙ୍କ ତିରୋଧାନ ଦିବସରେ ୧୯୯୨ ମସିହା ଡିସେମ୍ୱର ୬ ତାରିଖରେ ଏହି କଳା ଅଧ୍ୟାୟ ସୃଷ୍ଟି ହୋଇଥିଲା। ସାମ୍ପ୍ରଦାୟିକ ଶକ୍ତିମାନେ ସମ୍ୱିଧାନକୁ ଅବମାନନା କରିଥିଲେ।&rdquo;</p> <p>(image) ସେ ଆହୁରି କହିଛନ୍ତି-&ldquo;ଗଣତନ୍ତ୍ରରେ ଜନସାଧାରଣ ହେଉଛନ୍ତି ସର୍ବୋଚ୍ଚ କ୍ଷମତାର ଆଧାର। ତେଣୁ ଜନଗଣ ହିଁ ଦେଶକୁ ଶାସନ କରିବେ। ଆମେ କେଉଁ ଧର୍ମ, ଜାତି ଓ ଭାଷାକୁ ବିଚାର ନକରି ଜଣେ ନାଗରିକ ଭାବେ ଦେଶ ପାଇଁ କାମ କରିବା ଦରକାର। ଯେଉଁମାନେ ଆତଙ୍କ ସୃଷ୍ଟି କରୁଛନ୍ତି ଓ ଲୋକଙ୍କର ଭାବନାକୁ ନେଇ ଖେଳୁଛନ୍ତି ସେମାନଙ୍କୁ ପ୍ରତ୍ୟାଖ୍ୟାନ କରାଯାଉ। ଧର୍ମ ଶାନ୍ତି ଦେଇପାରେ। ମାତ୍ର ଶିକ୍ଷା ରୋଜଗାର, ଖାଦ୍ୟ ଓ ଆଶ୍ରୟ ଦେଇପାରିବ ନାହିଁ। ତେଣୁ ଧର୍ମକୁ ନେଇ ରାଜନୀତି କରାନଯାଉ। ଏହା ଏକ ବ୍ୟକ୍ତିଗତ ବିଶ୍ୱାସ।&rdquo;</p> <p>(image) ସେ କହିଛନ୍ତି-&ldquo;କେରଳରେ ବନ୍ୟା ଓ ବିପର୍ଯ୍ୟୟରେ ଲୋକେ ଏକାଠି ହେଉଥିବା ବେଳେ ବିଜେପି ସାବରୀମାଳା ପ୍ରସଙ୍ଗରେ ଲୋକଙ୍କୁ ବିଭାଜନ କରୁଛି। ଖାଦ୍ୟ ବାସଗୃହ, ଚିକିତ୍ସା, ରୋଜଗାର ଓ କୃଷକର କଲ୍ୟାଣ ପାଇଁ ଆମେ ଲୋକଙ୍କୁ ଏକାଠି କରିବାକୁ ହେବ। ଦେଶବାସୀ ଅନ୍ୟାୟ ଓ ଅବିଚାର ବିରୋଧରେ ପ୍ରଶ୍ନ କରନ୍ତୁ। ମିଥ୍ୟା ଓ ମିଥ୍ୟାବାଦୀମାନଙ୍କୁ ପ୍ରତ୍ୟାଖ୍ୟାନ କରନ୍ତୁ।&rdquo;</p> <p>ପ୍ରଫେସର ସ୍ୱାଧୀନାନନ୍ଦ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ବରିଷ୍ଠ ବାମପନ୍ଥୀ ନେତା ଜନାର୍ଦ୍ଦନ ପତି, ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ, ସିପିଆଇ(ଏମ୍&zwnj;) ରାଜ୍ୟ ସମ୍ପାଦକ ଅଳି କିଶୋର ପଟ୍ଟନାୟକ ପ୍ରମୁଖ ଯୋଗଦେଇଥିଲେ।</p>