କଟକ (ଓଡ଼ିଶା ରିପୋର୍ଟର): କଟକ ଜିଲ୍ଲା ନରାଜ ନିକଟ ଗୋପାଳସାହିରେ ଆତଙ୍କ ମଚାଇଛି ଅଜଣା ଜନ୍ତୁ। ଅଜଣା ଜନ୍ତୁ ଆକ୍ରମଣରେ ଗୋଟିଏ ମେଣ୍ଢାର ମୃତ୍ୟୁ ଘଟିଥିବା ଅଭିଯୋଗ ହୋଇଛି। ଅଜଣା ଜନ୍ତୁ କୈଳାସ ସାହୁଙ୍କ ମେଣ୍ଢାଶାଳରେ ପଶି ମେଣ୍ଢାଟିକୁ ମାରି ଦେଇଛି।
ରବିବାର ରାତିରେ ନରାଜ ଅଞ୍ଚଳରେ ୧୭ଟି ମେଣ୍ଢାକୁ ଅଜଣା ଜନ୍ତୁ ମାରିଥିବା ଅଭିଯୋଗ ହୋଇଥିଲା। ଆଜି ପୁଣି ଗୋଟିଏ ମେଣ୍ଢାର ମୃତ୍ୟୁକୁ ନେଇ ଗୋପାଳ ସାହିରେ ଆତଙ୍କ ଖେଳିଯାଇଛି।
ହାତୀ ପାଇଁ ସିଡିଏ ଅଞ୍ଚଳରେ ପାଟ୍ରୋଲିଂ କରୁଥିବା ବନ କର୍ମଚାରୀ ନରାଜ ଗୋପାଳ ସାହିରେ ପହଞ୍ଚି ଜଗିଥିଲେ। ଏହାସତ୍ତ୍ୱେ ଅଜଣା ଜନ୍ତୁ ଆସି ମେଣ୍ଢାକୁ ମାରି ଦେଇଥିବା କୁହାଯାଉଛି।