ମାଲକାନଗିରି (ଜିତେନ୍ଦ୍ର ବେଉରା): ନକ୍ସଲଙ୍କ ଗତିବିଧି ଜାଣିବା ପାଇଁ ହେଲିକପ୍ଟର ମାଧ୍ୟମ ନଜର ରଖାଯାଉଛି। ସେଥିପାଇଁ ମାଲକାନଗିରି ସ୍ୱାଭିମାନ ଅଞ୍ଚଳରେ ପଇଁତରା ମାରୁଛି ବାୟୁସେନାର ହେଲିକପ୍ଟର। ଆଜି ସକାଳେ ବାରମ୍ବାର ସ୍ୱାଭିମାନ ଅଞ୍ଚଳରେ ହେଲିକପ୍ଟର ଚକ୍କର କାଟୁଥିବା ଦେଖିବାକୁ ମିଳିଛି। ନକ୍ସଲ ଦମନ ପାଇଁ ଏପରି ରଣନୀତି ଆପଣାଇଛନ୍ତି ସୁରକ୍ଷାକର୍ମୀ।
ଗତକାଲି ମଧ୍ୟ ପଶ୍ଚିମାଞ୍ଚଳ ଡିଆଇଜି ଓ ମାଲକାନଗିରି ଏସ୍ପି ସ୍ୱାଭିମାନ ଅଞ୍ଚଳର ଗୋରାସେତୁ ବିଏସ୍ଏଫ୍ କ୍ୟାମ୍ପକୁ ଯାଇ ସ୍ଥିତିର ସମୀକ୍ଷା କରିଥିଲେ। ବିଏସ୍ଏଫ୍ର ବରିଷ୍ଠ ଅଧିକାରୀଙ୍କ ସହ ନକ୍ସଲ ଦମନ ନେଇ ଆଲୋଚନା କରିଥିଲେ।
ସୂଚନାରୁ ପ୍ରକାଶ, ସ୍ୱାଭିମାନ ଅଞ୍ଚଳର ବିକାଶ କରିବା ପାଇଁ ରାଜ୍ୟ ସରକାର ଗୁରୁପ୍ରିୟା ସେତୁ ନିର୍ମାଣ କରିଥିଲେ। ଏହା ସତ୍ତ୍ୱେ ନକ୍ସଲମାନେ ସ୍ୱାଭିମାନ ଅଞ୍ଚଳରେ ନିଜର ଦବ୍ଦବା ଦେଖାଉଛନ୍ତି। ଏହାକୁ ଦମନ କରିବା ପାଇଁ ହେଲିକପ୍ଟର ମାଧ୍ୟମରେ ନଜର ରଖାଯିବ।