ଆଜି ସ୍ପେଶାଲ୍ ଓଜେଇଇ

ଭୁବନେଶ୍ୱର: ଆଜି ରାଜ୍ୟରେ ସ୍ପେଶାଲ୍ ଓଜେଇଇ ଅନୁଷ୍ଠିତ ହେବ। ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଏଇ ଏଣ୍ଟ୍ରାନସ କରାଯାଉଛି। ରାଜ୍ୟର ୬ଟି ସରକାରୀ ଓ ୯୦ଟି ଘରୋଇ ଇଂଜିନିୟରିଂ କଲେଜରେ ମୋଟ ୪୯ ହଜାର ସିଟ୍ ରହିଛି। ତେବେ ଜେଇଇ ମେନ୍ ରାଙ୍କ ଅନୁସାରେ ପ୍ରଥମ ପର୍ଯ୍ୟାୟ କାଉନସେଲିଂରେ ଚଏସ୍ ଲକିଂ କରିଛନ୍ତି ମାତ୍ର ୧୨ ହଜାର ୭୦୦ ଛାତ୍ରଛାତ୍ରୀ। ତେଣୁ ଖାଲି ପଡ଼ିଛି ପ୍ରାୟ ୩୭ ହଜାର ସିଟ୍। ଏ ସବୁ ସିଟ୍ ପୂରଣ ପାଇଁ ଆଜି ହେବ ସ୍ପେଶାଲ୍ ଓଜେଇଇ। ପୂର୍ବାହ୍ନ ୧୦ରୁ ୧୨ଟା ଯାଏଁ ହେବାକୁ ଥିବା ଏହି ପ୍ରବେଶିକା ପରୀକ୍ଷା ପାଇଁ ଆବେଦନ କରିଛନ୍ତି ପ୍ରାୟ ୧୨ ହଜାର ଛାତ୍ରଛାତ୍ରୀ। କେବଳ ଭୁବନେଶ୍ୱରରେ ହୋଇଛି ୧୫ଟି ପରୀକ୍ଷା କେନ୍ଦ୍ର। ଜୁଲାଇ ୨୭ ସୁଦ୍ଧା ସ୍ପେଶାଲ୍ ଓଜେଇଇ ରେଜଲ୍ଟ ପ୍ରକାଶ ପାଇବ। ଯୋଗ୍ୟ ଛାତ୍ରଛାତ୍ରୀଙ୍କ ପାଇଁ ଅଗଷ୍ଟ ୮ରୁ ୧୪ ମଧ୍ୟରେ କାଉନ୍ସେଲିଂ କରାଯିବ। କିନ୍ତୁ ଏତେସବୁ ପରେ ବି ସିଟ୍ ଖାଲି ପଡ଼ିବା ନିଶ୍ଚିତ। ସେପଟେ ଜେଇଇ ମେନ୍ ରାଙ୍କ ଅନୁସାରେ ଦ୍ୱିତୀୟ ପର୍ଯ୍ୟାୟ କାଉନ୍ସେଲିଂ ଅଗଷ୍ଟ ପ୍ରଥମ ସପ୍ତାହରୁ ଆରମ୍ଭ ହେବ।