କଟକ(ଓଡ଼ିଶା ରିପୋର୍ଟର): ଦୀର୍ଘ ଦିନ ହେବ କରୋନା କଟକଣା ହେତୁ ବନ୍ଦ ରହିବା ପରେ ଫେବୃଆରି ୧୫ ତାରିଖରୁ ସ୍ୱାଭାବିକ ଭାବେ ଚାଲିବ ରାଜ୍ୟର ସମସ୍ତ ଅଦାଲତ । SOP ପାଳନ ସହିତ ହାଇକୋର୍ଟ ସମେତ ଅନ୍ୟ କୋର୍ଟ ଓ ଟ୍ରିବ୍ୟୁନାଲରେ ବ୍ୟକ୍ତିଗତ ହାଜିରା ପାଇଁ ନିର୍ଦ୍ଦେଶ ଦିଆଯାଇଛି ।
ତେବେ ବ୍ୟକ୍ତିଗତ ଭାବେ ହାଜିରା ସହିତ ଜଣେ ଚାହିଁଲେ ଭର୍ଜୁଆଲ୍ ପ୍ଲାଟଫର୍ମରେ ମଧ୍ୟ ଅଦାଲତଙ୍କ ନିକଟରେ ହାଜର ହୋଇପାରିବ । ତେବେ କେଉଁ ମାଧ୍ୟମରେ ସଂପୃକ୍ତ ବ୍ୟକ୍ତି ହାଜର ହେବ, ସେ ସଂପର୍କରେ ତା ପୂର୍ବ ଦିନ ଓକିଲଙ୍କ ଜରିଆରେ ରେଜିଷ୍ଟ୍ରିଙ୍କୁ ଅବଗତ କରିବାକୁ ପଡ଼ିବ । ଏ ସଂପର୍କରେ ପୂର୍ବ ସଂଧ୍ୟାରେ ରେଜିଷ୍ଟ୍ରିଙ୍କୁ କହିବାକୁ ସମସ୍ତ ଓକିଲଙ୍କୁ କୁହାଯାଇଛି।