ଯାଜପୁର(ଗୁଲାମ ଗସ୍): ଆମ୍ୱୁଲାନ୍ସ ଧକ୍କାରେ ବାଇକ୍ ଚାଳକଙ୍କ ସମେତ ୩ ଜଣଙ୍କ ଜୀବନ ଚାଲିଗଲା। ଆଜି ଏମିତି ମର୍ମନ୍ତୁଦ ସଡ଼କ ଦୁର୍ଘଟଣା ଯାଜପୁର ଜିଲ୍ଲା ନେଉଳପୁର ନିକଟରେ ଘଟିଛି। ତେବେ ଆମ୍ୱୁଲାନ୍ସ ଧକ୍କାରେ ମୃତ୍ୟୁ ବରଣ କରିଥିବା ଲୋକଙ୍କ ପରିଚୟ ମିଳିନାହିଁ। ପୁଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଚଳାଇଛି।
ଆଜି ଭଦ୍ରକ ଅଭିମୁଖେ ଏକ ଖାଲି ଆମ୍ୱୁଲାନ୍ସ ୧୬ ନମ୍ୱର ଜାତୀୟ ରାଜପଥରେ ଯାଉଥିଲା। ତେବେ ନେଉଳପୁର ନିକଟରେ ଆମ୍ୱୁଲାନ୍ସଟି ସମ୍ମୁଖରେ ଆସୁଥିବା ଏକ ବାଇକ୍କୁ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ବାଇକ୍ ଚାଳକ ଓ ବାଇକ୍ରେ ବସିଥିବା ଜଣେ ମହିଳା ଏବଂ ଶିଶୁଙ୍କର ମୃତ୍ୟୁ ଘଟିଛି। ଦୁର୍ଘଟଣା ପରେ ଆମ୍ୱୁଲାନ୍ସ ଛାଡ଼ି ଚାଳକ ଫେରାର ହୋଇଯାଇଛି। ପୁଲିସ ଘଟଣାସ୍ଥଳରେ ପହଞ୍ଚି
ସୂଚନାରୁ ପ୍ରକାଶ, ଏନ୍ଏଚ୍ରେ କାମ ଚାଲିଥିବାରୁ ଯୋଗୁଁ ଗୋଟିଏ ପଟେ ଗାଡ଼ି ଯାଉଥିଲା। ଯେଉଁଥିପାଇଁ ଦୁର୍ଘଟଣା ଘଟିଥିବା ଅନ୍ୟ ଏକ କାରଣ ବୋଲି ସାଧାରଣରେ ଆଲୋଚନା ହେଉଛି।