କଲ୍ୟାଣିସିଂହପୁର(ମାଉଡି ବାରିକ): ଅଧା ବାଟରେ ପଙ୍କଚର ହେଲା ଆମ୍ବୁଲାନ୍ସ। ଚାଲିଗଲା ରୋଗୀଙ୍କ ଜୀବନ। ଆଜି ଏଭଳି ଏକ ଦୁଃଖଦ ଘଟଣା ଘଟିଛି ରାୟଗଡ଼ା ଜିଲ୍ଲା କଲ୍ୟାଣସିଂହପୁରରେ।
କରବା ଗାଁର ସମନାଥ ବିଦିକାଙ୍କ ପତ୍ନୀ କଲ୍ୟାଣୀ ଝାଡ଼ାବାନ୍ତିରେ ଆକ୍ରାନ୍ତ ହୋଇଥିଲେ। ପରିବାର ଲୋକେ ତାଙ୍କୁ ମେଡିକାଲ୍ ନେବା ପାଇଁ ୧୦୮ ଆମ୍ୱୁଲାନ୍ସକୁ ଫୋନ୍ କରିଥିଲେ। ଫୋନ ପାଇବା ପରେ ଆମ୍ୱୁଲାନ୍ସ ନିର୍ଦ୍ଧାରିତ ସମୟରେ ଗାଁରେ ପହଞ୍ଚଥିଲା। ଆଉ ତା’ପରେ ଆମ୍ୱୁଲାନ୍ସ ରୋଗୀଙ୍କୁ ଧରି କଲ୍ୟାଣସିଂହପୁର ମେଡିକାଲ୍ ଫେରୁଥିଲା।
ତେବେ ମେଡିକାଲ୍ଠାରୁ ମାତ୍ର ୪ କିମି ଦୂରରେ ଆମ୍ୱୁଲାନ୍ସ ଚକା ପଙ୍କଚର ହୋଇଯାଇଥିଲା। ପରେ ପ୍ରାୟ ଘଣ୍ଟାଏ ବିଳମ୍ୱରେ ଅନ୍ୟ ଏକ ଆମ୍ୱୁଲାନ୍ସରେ ତାଙ୍କୁ ମେଡିକାଲ୍ରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ବିଳମ୍ୱରେ ମେଡିକାଲ୍ ଆସିଥିବାରୁ ରୋଗୀର ଜୀବନ ଯାଇଥିବା ଅଭିଯୋଗ ହେଉଛି।
ଅଧା ରାସ୍ତାରେ ଆମ୍ୱୁଲାନ୍ସ ପଙ୍କଚର ହେବା ଯୋଗୁ ସମନାଥଙ୍କ ମୃତ୍ୟୁ ଘଟିଥିବା ତାଙ୍କ ସ୍ୱାମୀ ଅଭିଯୋଗ କରିଛନ୍ତି।