ଆମ୍ୱୁଲାନ୍ସ ବିଳମ୍ୱରେ ଆସିଲା: ରାସ୍ତା କଡ଼ରେ ପ୍ରସବ କଲେ ମହିଳା

<p>କଲ୍ୟାଣସିଂହପୁର(ଓଡ଼ିଶା ରିପୋର୍ଟର): ଥମୁନି ଜନନୀ ଯନ୍ତ୍ରଣା। ପୁଣି ରାସ୍ତା କଡ଼ରେ ପ୍ରସବ କଲେ ମହିଳା। ଏହି ଅଭବାନୀୟ ଘଟଣା ଦେଖିବାକୁ ମିଳିଛି&nbsp; ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ୍&zwnj;ର ଜାମ୍ୱପଦର ଗାଁରେ। ଗତକାଲି ରାତିରେ ପ୍ରସୂତି ଗୋଲାପି ହିକକା ଗର୍ଭ ଯନ୍ତ୍ରଣା ଅନୁଭବ କରିଥିଲେ। ହେଲେ ଭୋରରେ ଯନ୍ତ୍ରଣା ଅସହ୍ୟ ହେବାରୁ&nbsp; ଗୋଲାପିଙ୍କ ପରିବାର ଲୋକେ ଆମ୍ୱୁଲାନ୍ସକୁ ଫୋନ୍&zwnj; କରିଥିଲେ। ଆମ୍ୱୁଲାନ୍ସ ପହଞ୍ଚିବାରେ ୨ ଘଣ୍ଟା ବିଳମ୍ୱ ହୋଇଥିଲା। ତେଣୁ ତାଙ୍କ ପରିବାର ଲୋକେ ଏକ ଗାଡ଼ି ଭଡ଼ା କରି ଡାକ୍ତରଖାନା ଯିବା ପାଇଁ ବାହାରିଥିଲେ। ତେବେ ଘରୁ ଗାଡ଼ି ପାଖକୁ&nbsp; ଯିବାବେଳେ ରାସ୍ତାକଡ଼ରେ ସେ ଏକ କନ୍ୟା ସନ୍ତାନ ଜନ୍ମ ଦେଇଥିଲେ। ଏହାର କିଛି ସମୟ ପରେ ଆମ୍ୱୁଲାନ୍ସ ପହଞ୍ଚି ମାଆ ଓ ଛୁଆକୁ କଲ୍ୟାଣସିଂହପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲା।</p>