ମୋହନା (ଓଡ଼ିଶା ରିପୋର୍ଟର): ଗୁଣି ସଦେହରେ ବାପପୁଅଙ୍କୁ ହତ୍ୟା ଘଟଣାରେ ପୁଲିସ ଆଉ ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣକ ହେଲେ, ରାୟଗଡା ଜିଲ୍ଲା ପୁଟାସିଂ ଥାନା ତଇପୁରଗୁଡା ଗାଁର ଦାବିଡ଼ସନ ଶବର।
ଗତ ୧୨ ତାରିଖରେ ଅଡ଼ବା ଥାନା ମୁଠାଗୁଡା ଗାଁରେ ଗୁଣି ଗରେଡି ସନ୍ଦେହରେ ଗାଁର ଲୁଜ ଦଳବେହେରା ଓ ଅନୁକ ଦଳବେହେରାକୁ ଗାଁର କିଛି ଲୋକ ସଂଘ ବଦ୍ଧ ଭାବେ ଗବର ନିକଟସ୍ଥ ଜଙ୍ଗଲରେ ହତ୍ୟା କରିଥିଲେ ।
ଏହି ଘଟଣାରେ ପୁଲିସ ତଦନ୍ତ କରି ଘଟଣା ଦିନ ହିଁ ୧୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ତେବେ ଅନ୍ୟ ଜଣେ ଅଭିଯୁକ୍ତ ଦାବିଡ଼ସନ ଫେରାର ଥିଲା । ପୁଲିସ ଆଜି ହତ୍ୟା କାଣ୍ଡରେ ସମ୍ପୃକ୍ତ ଦାବିଡ଼ସନକୁ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ସୂଚନା ଦେଇଛନ୍ତି।।