ରାଉରକେଲା (ପବନ ତିୱାରୀ): ଯେତେ ଯାହା କଲେ ମଧ୍ୟ ଲୋକଙ୍କ ମନରୁ ଅନ୍ଧବିଶ୍ୱାସ ଯାଉନି। କେତେବେଳେ ଗୁଣି ଗାରେଡ଼ି ସନ୍ଦେହରେ କାହାକୁ ମାରି ଦିଆଯାଉଛି ତ ଆଉ କେତେବେଳେ ରୋଗ ଭଲ ହେବା ପାଇଁ ଚେଙ୍କ ଦିଆଯାଉଛି। ଲୋକଙ୍କ ମନରୁ ଏଭଳି ଅନ୍ଧବିଶ୍ୱାସ ଦୂର କରିବା ପାଇଁ ସରକାରୀ ଓ ବେସକାରୀ ସ୍ତରରେ ସଚେତନ କରାଯାଉଥିଲେ ହେଁ ଏହା ଶତପ୍ରତିଶତ ଫଳପ୍ରଦ ହୋଇପାରି ନାହିଁ। ସେଥିପାଇଁ ରାଜ୍ୟର ବିଭିନ୍ନ ଜିଲ୍ଲାରୁ ବିଭିନ୍ନ ସମୟରେ ଛୋଟ ଛୁଆଙ୍କୁ ରୋଗମୁକ୍ତ କରିବା ପାଇଁ ଚେଙ୍କ ଦିଆଯାଉଥିବା ଭଳି ଖବର ଆସୁଛି। ଏଭଳି ଏକ ଖବର ଆଜି ସୁନ୍ଦରଗଡ଼ ଜିଲ୍ଲାରୁ ଆସିଛି।
ଜିଲ୍ଲାର କୋଇଡ଼ା ଅଞ୍ଚଳରେ ଜଣେ ଶିଶୁ କନ୍ୟାକୁ ଚେଙ୍କ ଦିଆଯାଇଥିବା ଅଭିଯୋଗ ହୋଇଛି। ଜ୍ୱର ଭଲ ନ ହେବାରୁ ଶିଶୁଟିକୁ ଚେଙ୍କ ଦିଆଯାଇଥିବା ଜଣାପଡ଼ିଛି। ଗତ କିଛି ଦିନ ହେଲା ଶିଶୁଟି ଜ୍ୱରରେ ପୀଡ଼ିତ ଥିଲା।
ପାଞ୍ଚ ମାସର ଏହି ଶିଶୁକନ୍ୟାର ପେଟରେ ୭ଟି ଚେଙ୍କ ଦିଆଯାଇଛି। ଚେଙ୍କ ଦେବା ପରେ ତା’ ଅବସ୍ଥା ଆହୁରି ବିଗିଡ଼ି ଯାଇଥିଲା। ତେଣୁ ଗତକାଲି ରାତିରେ ତାକୁ କୋଇଡ଼ାରୁ ଅଣାଯାଇ ରାଉରକେଲା ସରକାରୀ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା। ଶିଶୁଟି ଏବେ ଆର୍ଜିଏଚ୍ରେ ଚିକିତ୍ସିତ ହେଉଛି। ତା’ ଅବସ୍ଥା ଏତେ ଭଲ ନଥିବା ଡାକ୍ତର କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
